Nokia-ի նոր սմարթֆոնը մետաղյա կորպուս կունենա

7 նոյեմբերի 2016 - 14:57 AMT

PanARMENIAN.Net - Չինական աղբյուրները լուսանկարներ են հրապարակել, որտեղ, ենթադրաբար, պատկերված է Nokia-ի ապագա սմարթֆոններից մեկի կորպուսը: Ինչպես կարելի է տեսնել լուսանկարում, կորպուսը մետաղյա է անտենային միացումներով, որոնք եզրերին կորացված են iPhone 7-ի ոճով:

Պանելի վրա երկու կտրվածք է երևում` մեկը, հավանաբար, տեսախցիկի մոդուլի համար է, մյուսը` մատնահետքերի սքաների, սակայն, չի կարելի բացառել նաև կրկնակի տեսախցիկի հավանականությունը: Կորպուսը նաև աչքի է ընկնում բարակությամբ, գրում է Ferra.ru-ն:

Ըստ վերջին արտահոսքի, 2016-ի 4-րդ եռամսյակում կթողարկվի 4 բջջային սարքերից 3-ը, որոնք կաշխատեն Android օպերացիոն համակարգով:Այդ սարքերի թվում կլինեն ինչպես սմարթֆոններ, այնպես էլ պլանշետներ: Ամռանը լուրեր հայտնվեցին 2 բարձրակարգ սմարթֆոնի մասին, որոնք թողարկվելու են Nokia բրենդով:

Սմարթֆոնները կունենան Qualcomm Snapdragon 820, OLED-դիսփլեյներ Quad HD (2560 x 1440 պիքսել) թողունակությամբ և Android 7.0 Nougat օպերացիոն համակարգով:

Ակնկալվում է, որ սմարթֆոնները կարտադրի HMD Global ընկերությունը:

Մայիսին Nokia-ն հայտնեց ֆիննական HMD Global-ի հետ ռազմավարական արտոնագրային համաձայնագիր կնքելու մասին մտավոր սեփականության և բրենդի գծով, որի շրջանակում ընկերությունը կկարողանա նոր սերնդի հեռախոսներ և պլանշետներ արտադրել Nokia ապրանքանիշով:

Հղումներ թեմայով.

Ferra.ru: Смартфон Nokia в металлическом корпусе показался на фото

Ubergizmo. Alleged Nokia D1C Smartphone Renders Leak Online