  ԵԱՀԿ Մինսկի խումբը չի կարող որոշել Հայաստանի եւ Ադրբեջանի նախագահների փոխարեն 7 հունիսի 2007 - 21:41 AMT PanARMENIAN.Net - «Լեռնային Ղարաբաղի հակամարտության կարգավորման հարցով ԵԱՀԿ Մինսկի խմբի առաջարկությունները դրված են բանակցությունների սեղանին, եւ ես կարծում եմ, որ դրանք կարող են հիմք դառնալ հակամարտության կարգավորման սկզբունքների մշակման համար»,- Երեւանում մամլո ասուլիսի ժամանակ հայտարարել է ԵԱՀԿ ՄԽ ֆրանսիացի համանախագահ Բեռնար Ֆասիեն: Նրա խոսքերով, հիմնական սկզբունքներով կարելի է համաձայնության հասնել, եւ «այդ պատճառով մենք որոշ առումով լավատես ենք»: «Հայաստանի եւ Ադրբեջանի նախագահները պետք է գնահատեն մեր առաջարկությունները եւ որոշեն, թե որ կետերին են նրանք համաձայն, որոնց` ոչ: Իսկ դա արդեն կախված չէ ՄԽ-ից»,- նշել է Ֆասիեն: Նա նշել է, որ բանակցությունների «ճեղքումը» կկայանա այն ժամանակ, երբ նախագահներն սկսեն վստահել միմյանց եւ հանգեն հավասարակշռված եւ արդար որոշման: «Այդ ժամանակ Հայաստանի եւ Ադրբեջանի արտգործնախարարները կսկսեն խաղաղ համաձայնագրի մշակումը»,- ընդգծել է ֆրանսիացի միջնորդը: Ինչ վերաբերում է Ղարաբաղի ներկայացուցիչների մասնակցությանը բանակցային գործընթացին, ապա Բեռնար Ֆասիեն եւս մեկ անգամ կրկնեց, որ որքան շուտ ԼՂ-ն մասնակցի բանակցություններին, այնքան լավ: «Այժմ մենք ադրբեջանական կողմի հետ քննարկում ենք այդ հարցը: Սակայն մենք դեռ չենք հասել նրան, որպեսզի խոսենք համաձայնության մանրամասների մասին: Մենք հիմքն ենք նախապատրաստում, իսկ երբ կողմերը որոշում կընդունեն, ոչ ոք չգիտի, այդ թվում եւ Մինսկի խումբը»,- ասել է համանախագահը, հավելելով, որ հանդիպումները Արկադի Ղուկասյանի հետ անհրաժեշտ են Լեռնային Ղարաբաղի դիրքի եւ այլ հարցերի ճշտման համար:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
