  Ադրբեջանը խոչընդոտում է ղարաբաղյան հակամարտության լուծմանը14 հունիսի 2007 - 14:57 AMT PanARMENIAN.Net - Ղարաբաղյան հակամարտության կարգավորման ճանապարհին հիմնական խոչընդոտներից մեկն այն է, որ Ադրբեջանը բանակցային գործընթացին այլընտրանք է համարում խնդրի ռազմական լուծումը: Այդ մասին հաղորդել է ՀՀ արտգործնախարար Վարդան Օսկանյանը «Կենտրոն» հեռուստաալիքին տված հարցազրույցում: Նրա խոսքերով, Բաքուն փորձում է հրաժարվել որոշ արդեն համաձայնեցված հարցերից: «Բանակցություններում խոչընդոտ է հանդիսանում նաեւ այն, որ Ադրբեջանը անզիջում դիրքորոշում է որդեգրել որոշ հարցերի վերաբերյալ: Ադրբեջանում հնչող կոշտ հրապարակային հայտարարությունները եւ այդ երկրի գործողությունները մի շարք միջազգային կազմակերպություններում համահունչ չեն բանակցությունների բովանդակությանը: Մենք բազմիցս հայտարարել ենք, որ առանց այդ խոչընդոտների վերացման, հնարավոր չէ հասնել կարգավորման փոխզիջումների հիման վրա»,-ընդգծել է Վարդան Օսկանյանը: ՀՀ ԱԳՆ ղեկավարը գտնում է, որ Բաքվի կոշտ դիրքորոշումը աշխատում է հենց այդ երկրի դեմ, որը հասկանում է, որ ղարաբաղյան խնդիրը ռազմական լուծում չունի: «Ես կրկին ցանկանում եմ հավաստիացնել հայ ժողովրդին, որ առանց ԼՂ ժողովրդի ինքնորոշման իրավունքի ամրագրման, մենք չենք խոսի երկրորդական եւ երրորդական հարցերի շուրջ: Տարածքների հարցերը վերաբերում են Ղարաբաղի բնակչության անվտանգության խնդրին: Հայկական կողմի բոլոր հայտարարությունները միշտ զգուշավոր եւ համահունչ են եղել այժմյան բանակցային գործընթացին»,-ասել է Օսկանյանը «Կենտրոն» հեռուստաալիքին տված հարցազրույցում:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
