ՀՀ-ում ուզում են մեղրից գինի, շամպայն ու ջին արտադրել 2 դեկտեմբերի 2016 - 10:41 AMT PanARMENIAN.Net - ՀՀ գյուղատնտեսության նախարար Իգնատի Առաքելյանի առաջարկով ՀՀ-ում կուսումնասիրվի մեղրի գինու, շամպայնի, ջինի արտադրության հնարավորությունը: ՀՀ գյուղատնտեսության նախարարը դեկտեմբերի 1-ին հանդիպել է «Մեղվաբույծների ազգային միավորում» հասարակական կազմակերպության նախագահ Թելման Նազարյանին և մի շարք անդամների հետ` ոլորտում խնդիրները և դրանց լուծման հնարավոր ուղիները քննարկելու նպատակով: Հանդիպմանը ներկա էր նաև նախարարի տեղակալ Ռոբերտ Մակարյանը: Անդրադառնալով մեղվաբուծության ճյուղի առաջնահերթ խնդիրներին` հանդիպման մասնակիցները նշել են մեղվաբուծական արտադրանքի դիվերսիֆիկացման անհրաժեշտությունը: Տեղեկանալով, որ այս խնդրի շուրջ ժամանակին իրականացվել են գիտական հայտնագործություններ` նախարարն առաջարկել է ուսումնասիրել դրանք կյանքի կոչելու և տարբեր մեղվամթերքների (այդ թվում` նաև մեղրից գինու, շամպայնի և ջինի) արտադրության կազմակերպման հնարավորությունը: Ընդգծելով նաև մեղվակաթի զանգվածային արտադրության իրականացման կարևորությունը` կազմակերպության անդամները միաժամանակ նշել են, որ այս խնդրի լուծմանը խոչընդոտում է համապատասխան սարքավորումների բացակայությունը: Ի պատասխան նախարարն առաջարկել է կազմել բիզնես- ծրագիր, որի իրականացման համար փոխնախարար Արմեն Հարությունյանի հետ քննարկել միջազգային կազմակերպությունների օժանդակությամբ ֆինանսական միջոցների ներգրավման հնարավորությունը: Նշելով, որ այսօր հանրապետությունում նկատվում է բարձրակարգ մեղվաբույծների և մեղվաբույժների կարիք, հանդիպման մասնակիցները առաջարկել են Հայաստանի ազգային ագրարային համալսարանի ղեկավարության հետ քննարկել համապատասխան մասնագետների պատրաստման, ինչպես նաև գիտնականների վերապատրաստման հարցը: Քննարկվել են նաև ոլորտում տոհմաբուծության զարգացմանը, մեղրի իրացման համար նոր շուկաների բացահայտմանը, մեղվամթերքի արտադրության ծավալների ավելացմանը և ինքնարժեքի նվազեցմանը, լաբորատոր փորձաքննության գների վերանայմանը վերաբերող հարցեր: Այս պահի դրությամբ հանրապետությունում գործունեություն է ծավալում մոտ 10000 մեղվաբույծ, որոնցից մոտ 7500-ը անդամակցում են «Մեղվաբույծների ազգային միավորում» ՀԿ-ին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |