 Նախարար. Հունվար-փետրվարին պետբյուջեի եկամուտներն աճել են 7.2%-ով՝ տնտեսական ակտիվության աճին զուգահեռ 22 մարտի 2017 - 12:32 AMT PanARMENIAN.Net - 2017-ի օպերատիվ տվյալներով հունվար-փետրվարին պետական բյուջեի ցուցանիշները համահունչ են եղել ընթացիկ տնտեսական զարգացումներին: Այդ մասին լրագրողների հետ հանդիպմանն ասել է ՀՀ ֆինանսների նախարար Վարդան Արամյանը։ «2017-ի հունվար-փետրվարին տնտեսական ակտիվության աճին համահունչ արձանագրվել է պետական բյուջեի եկամուտների 7.2% աճ, որը պայմանավորված է հարկային եկամուտների 9.7% աճով», - ասել է Արամյանը, հայտնում է Aysor.am-ը։ Հայաստանի տնտեսական ակտիվության ցուցանիշը, նախնական վիճակագրական տվյալների համաձայն, 2017-ին, նախորդ տարվա համարժեք ժամանակահատվածի համեմատ, աճել է 6,2 տոկոսով: Նրա խոսքով՝ հարկային եկամուտների աճը պայմանավորվել է ՀՆԱ-ի, ակցիզային հարկի և բնապահպանական և բնօգտագործման վճարների՝ համապատասխանբար 12.2%, 14.5% և 2.7 անգամ աճի հաշվին։ «Ընդ որում, հարկերի աճին նպաստել են թե՛ տեղական հարկերը, թե՛ ներմուծման հարկերը», - ասել է նա։ Վարդան Արամյանը նշել է, որ պետական բյուջեի ծախսերի աճը հունվար-փետրվարին զիջել է եկամուտների աճին։ «Պետական բյուջեի ծախսերի աճը կազմել է 1.6 տոկոս, որի արդյունքում ձևավորվել է 0.6 միլիարդ դրամ ավելցուկ», - ասել է Արամյանը։ ՀՀ ֆինանսների նախարարի խոսքով՝ 2017-ին նախորդ տարվանից սկիզբ առած գնանկման միտումները, պահանջարկի վերականգնմանը զուգընթաց, թուլանում են։ «Տասներկուամսյա ՍԳԻ-ն նվազել է 0.2 տոկոսով, որին դրական են նպաստել սննդամթերքի (3.7%) և ալկոհոլային խմիչքի, ծխախոտի (1.6%) ցուցանիշները, բացասական են նպաստել ոչ պարենային ապրանքների (-3.5%) և ծառայությունների խմբերը», - ասել է նախարարը։ Վարդան Արամյանն ընդգծել է, որ նախորդ տարվա դեկտեմբերի նկատմամբ ՍԳԻ-ն աճել է 1.7 տոկոսով։ «ՍԳԻ-ին դրական են նպաստել սննդամթերքի (6%) և ալկոհոլային խմիչքի, ծխախոտի (0.3%) ցուցանիշները, բացասական են նպաստել ոչ պարենային ապրանքների (-1.2%) և ծառայությունների (-1.6%) խմբերը», - հավելել է Վարդան Արամյանը։ Տնտեսական ակտիվության աճը հաշվետու ժամանակահատվածում ապահովել են չորս ոլորտ` արդյունաբերությունը, գյուղատնտեսական արտադրությունը, առևտրի և ծառայությունների ոլորտները:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
