Հորդանանի արքայադուստր Դինա Մայրեդը` ԵՊԲՀ պատվավոր դոկտոր28 ապրիլի 2017 - 14:13 AMT PanARMENIAN.Net - Երևանի պետական բժշկական համալասարանի ռեկտոր Արմեն Մուրադյանի հրավերով Հայաստանում գտնվող Հորդանանի արքայադուստր Դինա Մայրեդը Երևանի պետական բժշկական համալսարանի պատվավոր դոկտորի կոչման է արժանացել: Երևանի հիվանդանոցներ կատարած շրջայցի ընթացքում Դինա Մայրեդը քաղցկեղով հիվանդ երեխաների ծնողներին ներկայացրել է այդ հիվանդության դեմ պայքարի սեփական փորձը։ «Քաղցկեղի դեմ պայքարի բանաձևերից մեկը ճիշտ մոտեցումն է, մեծ համբերությունը, անսահման սերը, որը մենք պետք է տանք հիվանդեներին։ Մայրեդն ինքը հաղթահարել է որդու հիվանդությունը և այսօր ասում է, որ դա իր ընտանիքի մի էջն է եղել»,- ասել է ԵՊԲՀ ռեկտոր Արմեն Մուրադյանը, մեջբերում է Sputnik Արմենիան։ Նրա խոսքով` արքայադուստրը հիվանդանոցների մանկական բաժանմունքներում ոգևորել է ծնողներին, պատմել իր ապրումների ու անցած ճանապարհի մասին` վստահեցնելով, որ քաղցկեղը հնարավոր է հաղթահարել ու շրջել կյանքի այդ էջը։ «Գիտխորհրդի որոշմամբ` տիկին Մայրեդին ԵՊԲՀ պատվավոր դոկտորի կոչում է շնորհվում»,- ասել է Մուրադյանը։ Հորդանանի արքայադուստր Դինա Մայրեդը Քաղցկեղի վերահսկման միջազգային միության (UICC) նորընտիր նախագահն է։ Նրա այցը Հայաստան կնպաստի մեր երկրի ուռուցքաբանական կազմակերպությունների (Ուռուցքաբանության ազգային կենտրոն, ԵՊԲՀ «Մուրացան» հիվանդանոցային համալիրի Քիմիաթերապիայի կլինիկա և այլն) ներգրավմանը աշխարհի խոշորագույն քաղցկեղի միությանը, որն էլ իր հերթին կնպաստի մեր երկրում ուռուցքաբանության զարգացմանը: Արքայադուստր Դինա Մայրեդը երկար տարիներ ղեկավարել է Հուսեին Թագավորի քաղցկեղի հիմնադրամը և մեծապես նպաստել է Հորդանանում ուռուցքաբանության զարգացմանը։ Հղումներ թեմայով. Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Փաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նա |