ԵԼՔ-ը չի բացառում գործակցությունը «Ծառուկյան» դաշինքի հետ

ԵԼՔ-ը չի բացառում գործակցությունը «Ծառուկյան» դաշինքի հետ

PanARMENIAN.Net - Երևանի ավագանու ընտրություններին մասնակցող ԵԼՔ դաշինքի անդամ Էդմոն Մարուքյանը չի բացառել, որ հետագայում իրենց դաշինքը կարող է գործակցել «Ծառուկյան» դաշինքի հետ:

«Եթե ԱԺ 6-րդ գումարման առաջին նիստին ԲՀԿ խմբակցության ղեկավարը կհայտարարի, որ իրենք ընդդիմադիր են, մենք՝ որպես ընդդիմադիր խմբակցություն, կառաջարկենք մեր ծրագրերը, պատրաստ կլինենք նաև իրենց ծրագրերը քննարկել»,- ասել է Մարուքյանը «Ազատություն» ռադիոկայանի եթերում:

Նա նշել է, որ գործակցելու դեպքում միասին կունենան 40 մանդատ:

«Ծառուկյան» դաշինքը կոալիցիա չի կազմել, հետևաբար՝ ընդդիմություն է: Այս մասին ապրիլի 24-ին ասել է դաշինքի առաջնորդ Գագիկ Ծառուկյանը:

Պատասխանելով հարցին, թե արդյոք ԱԺ-ում հայտարարելու են, որ ընդդիմություն են, Ծառուկյանն ասել է. «Եթե կոալիցիա չենք, ուրեմն ընդդիմություն ենք։ Հիմա տեսա՞ք, որ ընդդիմություն ենք։ Ընդդիմությունը միայն ցեխ շպրտելը չի, պետք է կարողանան գործ անեն, որ մարդկանց կյանքում փոփոխություն լինի։ Մարդկանց վիրավորելով երկիր չի կառուցվում»։

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---