Գևորգ Կոստանյանն ազատվել է ՄԻԵԴ-ում ՀՀ ներկայացուցչի պաշտոնից

PanARMENIAN.Net - Գևորգ Կոստանյանն ազատվել է Մարդու իրավունքների եվրոպական դատարանում Հայաստանի Հանրապետության կառավարության լիազոր ներկայացուցչի պաշտոնից վարչապետ Կարեն Կարապետյանի որոշմամբ:

Որոշումը կայացվել է՝ հիմք ընդունելով ՀՀ կառավարության 2003 թվականի դեկտեմբերի 4-ի N 1751-Ն որոշմամբ հաստատված կանոնակարգի 7-րդ կետը, ասվում է կառավարության հաղորդագրության մեջ:

Գևորգ Կոստանյանը ՀՀ նախագահի հրամանագրով ազատվել է նաև Հայաuտանի Հանրապետության նախագահի խորհրդականի պաշտոնից: Որոշումը կայացվել է, հիմք ընդունելով ՀՀ նախագահի աշխատակազմի կանոնադրության 16-րդ կետի 3-րդ ենթակետը:

2016-ի օգոստոսի 4-ին Գևորգ Կոստանյանը հրաժարական էր տվել ՀՀ գլխավոր դատախազի պաշտոնից: Նա Կոլեգիայի անդամներին տեղեկացրել էր, որ առողջական խնդիրների պատճառով դիմել է ՀՀ նախագահին, խնդրելով ընդունել ՀՀ գլխավոր դատախազի պաշտոնից ազատվելու վերաբերյալ իր դիմումը:

2017-ի հունվարին Հայաստանի նախկին գլխավոր դատախազ Գևորգ Կոստանյանը նշանակվեց նախագահի խորհրդական։