 Բաքուն ընդունում է Հս. Կիպրոսի թուրքերի ինքնորոշման իրավունքը 31 մայիսի 2017 - 11:27 AMT PanARMENIAN.Net - Բաքուն խիստ մտահոգված է Կիպրոսի ԱԳ նախարարի հայտարարությամբ Արցախի և ղարաբաղյան հակամարտության մասին՝ համարելով, որ այն հակասում է «միջազգային իրավունքին և նպաստում է Հայաստանի քաղաքականությանն Ադրբեջանի դեմ»: Կիպրոսի արտգործնախարար Իոաննիս Կասուլիդեսը ՀՀ ՊՆ ղեկավար Վիգեն Սարգսյանի հետ հանդիպմանը հայտարարել է, որ ի տարբերություն Հյուսիսային Կիպրոսի, որը բռնազավթվել է Թուրքիայի կողմից, Արցախը հայերի պատմական տարածքն է, նրանք այնտեղ միշտ են եղել, պայքարել են իրենց անվտանգության համար և անկախություն հռչակել։ Վիգեն Սարգսյանը երախտագիտություն է հայտնել Իոաննիս Կասուլիդեսին՝ Արցախի հարցում հստակ և հետևողական դիրքորոշման համար, նշելով, որ այն չափազանց կարևոր է բարեկամ Հայաստանի համար։ Կասուլիդեսը ասել է նաև, որ սխալ է զուգահեռներ անցկացնելը երկու այս խնդիրների միջև: Հաջիևն ասել է նաև, որ Հյուսիսային Կիպրոսն այն տարածքն է, «որտեղ թուրքերը դարերով ապրել են որպես բնիկ ժողովուրդ և իրենք էլ ինքնորոշվելու իրավունք ունեն»: Հաջիևն ասել է նաև, թե ՀՀ և Կիպրոսի ռազմական գործակցությունը «հարցեր և կասկածներ» է առաջացնում և հույս է հայտնել, որ այդ «հարցը կքննարկվի ԵՄ և ԵԱՀԿ կողմից»: Վիգեն Սարգսյանը հանդիպել է նաև Կիպրոսի նախագահ Նիկոս Անաստասիադիսի հետ։ ՀՀ պաշտպանության նախարարը երախտագիտություն է հայտնել Կիպոսի նախագահին՝ Արցախի հարցում կառուցողական և հետևողական դիրքորոշման համար։ Զրուցակիցները համակարծիք են եղել, որ երկու բարեկամ երկրների փոխգործակցության զարգացման համար առկա է մեծ ներուժ, որը պետք է իրացնել։ Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
