Թել Ավիվն արգելափակել է դրոնների խոշոր խմբաքանակի վաճառքը․ Գնորդը, հավանաբար, Բաքուն էր

PanARMENIAN.Net - Իսրայելի պաշտպանության նախարարությունը ժամանակավորապես արգելել է Aeronautics ընկերությանը $20 մլն արժողությամբ Orbitier K1 դրոններ վաճառել «կարևոր գնորդին»։

Այս մասին նշվում էընկերության՝ բորսայի համար արված հայտարարությունում։ Ընկերությունից հավելում են, որ երկրի գնումները կազմել են 2016-ին ընկերության եկամտի 20%-ը, 2015-ին՝ 18%-ը։ Ընդ որում, երկիրն ունի Moody’s BA վարկանիշ։ Ադրբեջանի գործընկերներից միայն Սերբիան ու Ադրբեջանն ունեն նշված վարկանիշը, ընդ որում՝ Ադրբեջանում տեղակայված է Aeronautics հավաքման գործարան, նշում է Newsru.co.il-ը։ Առավել հավանական է, որ կանխվել է Ադրբեջան զենքի արտահանումը։

Բացի այդ, Aeronautics-ը սկանդալի կիզակետում էր հայտնվել, երբ տարածվել էր ընկերության աշխատակիցներին արված՝ հայկական դիրքերի վրա գրոհ կատարելու վերաբերյալ հրաման տալու տեղեկատվությունը։ Երկրի ՊՆ-ն ստուգում է սկսել տեղեկատվության առնչությամբ։