  Երեւանում բացվել է Եվրոպական հանձնաժողովի մշտական ներկայացուցչությունը 6 փետրվարի 2008 - 13:26 AMT PanARMENIAN.Net - Երեւանում բացվել է Հայաստանում Եվրահանձնաժողովի մշտական ներկայացուցչությունը: Բացման արարողությանը ԵՄ-ի արտաքին կապերի եւ Եվրոպական հարեւանության քաղաքականության հանձնակատար Բենիտա Ֆերերո-Վալդները կարեւորել է այս իրադարձությունը, որը վկայում է Հայաստանի եւ ԵՄ-ի միջեւ հարաբերությունների ամրապնդման մասին: «Վերջին տարիներին ԵՄ-ի հետ Հայաստանի հարաբերություններում մեծ առաջընթաց է գրանցվել եւ այսօրվա իրադարձությունը դրա վառ ապացույցներից մեկն է: Մշտական ներկայացուցչության բացումը թույլ է տալիս մեզ լիարժեք հարաբերություններ հաստատել ինչպես պետական մակարդակով, այնպես էլ հասարակական կազմակերպությունների, զանգվածային լրատվամիջոցների հետ եւ մենք պատրաստ ենք նման հարաբերությունների զարգացմանը»,-ասել է նա: Իր հերթին Հայաստանի արտգործնախարար Վարդան Օսկանյանը շնորհավորել է բոլորին այս «պատմական օրվա» կապակցությամբ: «Մի քանի տարի առաջ, երբ մենք բացում էինք Բրյուսելում մեր ներկայացուցչության շենքը, ես ասացի, որ կգա մի օր, երբ ԵՄ-ի հետ մեր հարաբերությունները կհասնեն ցանկալի մակարդակի, եւ ես համոզված եմ, որ այդ օրը շուտով կգա: Նույն կերպ ապագա սերունդները կհիշեն նաեւ այս օրը, երբ մենք դրեցինք Հայաստանի եւ ԵՄ-ի նոր հարաբերությունների հիմքը»,-ասել է ՀՀ ԱԳՆ ղեկավարը: Նշենք, որ Հայաստանում Եվրահանձնաժողովի պատվիրակության ղեկավարը դեսպան Ռաուլ դը Լուցենբերգերն է:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
