Championat. ԱՊՀ ամենաուժեղ ֆուտբոլիստը լինելով՝ Մխիթարյանն իրեն աստղի պես չի պահում 7 դեկտեմբերի 2017 - 15:16 AMT PanARMENIAN.Net - Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը իրեն աստղի պես չի պահում, գրում է Championat-ը: «Մխիթարյանն իրեն աստղի պես չի պահում: Այո, նա հաճախ է երևում Փոլ Պոգբայի և Դավիթ դե Խեայի կողքին, սակայն ցուցադրական կյանքը նրա համար չէ: Սովորոկան, ոչ արտառոց, սանրվածք, համեստ հարցազրույցներ ֆուտբոլի, ընտանիքի և հայրենիքի հանդեպ սիրո մասին, սկանդալների բացակայություն: ԱՊՀ ամենաուղժեղ ֆուտբոլիստը լինելով՝ «Մանչեսթեր Յունայթեդի» կիսապաշտպանը շվայտ կյանքով չի ապրում: Համենայնդեպս, աշխարհի ոչ մի տեսախցիկ դեռ այդպիսի բան չի գրանցել: Նա նույն կերպ է պահում իրեն նաև մարզադաշտում՝ եթե ոտքերին են խփում, ուղղակի կանգնում է և շարունակում խաղը: Եթե հրում են կամ թաքուն թքում՝ սադրանքների չի մատնվում և ուղղակի մեջքով է դառնում հակառակորդին: Եթե դաշտում չկան առաջատարներ ու առաջնորդներ...չի երևում դաշտում»,-ասվում է հոդվածում: Հոդվածի հեղինակը գրում է, որ ՄՅՈւ գլխավոր մարզիչ Ժոզե Մոուրինյոն այլ խառնվածքի մարզիկների է սիրում՝ Պեպեի, Մատերացիի նման, որոնց շրջանցելու ցանկություն է առաջանում, իսկ խելոք տղաները նրա թիմերում երկար չեն մնում: «Պորտուգալացին պաշտում է նրանց, ով իր հետևից է տանում թիմը, ով նետվում է հակառակորդի ոտքերի տակ և միայն իր տեսքով ստիպում է նրանց երազել եզրափակիչ սուլոցի և որքան հնարավոր է շուտ հանդերձարան հասնելու մասին՝ Հենրիխը նրանցից չէ: Երբ Պոգբան մի քանի ամսով դուրս մնաց խաղից, իսկ երիտասարդ Մարսյալի ու Ռաշֆորդի, վերջերս վերադարձած Զլատանի և նոր հարմարվող Լուկակուի վրա չէր կարելի հենվել, Ժոզեն առաջատարի դերը վստահեց Հենրիխին: Բայց նա չկարողացավ՝ ոչ մի արդյունավետ գործողություն վերջին մի քանի ամսում, ամորֆ խաղ ու «երազանքի թատրոնում» գլխավոր հերոսի դերը ստանձնելու ցանկության բացակայություն»,-ասվում է հոդվածում: Հեղինակը ենթադրում է, որ Մխիթարյանն ուղղակի չի սիրում առաջին դերերում լինել: Նշվում է, որ երկար կարելի է խոսել Հենրիխի տաղանդի և ունակությունների մասին, սակայն շուտով նա 29 տարեկան կդառնա և պետք է խոստովանել, որ դաշտում նա առաջնորդ չէ, և հազիվ թե ժամանակի հետ ինչ-որ բան փոխվի: «Հենրիխն իրականացրեց իր երազանքը՝ նրա մարզական սխրանքների մասին ֆիլմեր են նկարահանում, նրան օրինակ են բերում Հայաստանի բոլոր տղաներին: Մխիթարյանն իրոք իդեալական մարզիկ է՝ աշխատասեր, նպատակասլաց, ալկոհոլով չի տարվում, ակումբներ չի գնում: Խաղընկերների և մարզիչների հետ Մխիթարյանի հարաբերությունները բաց են ու դրական: Եվ Լուչեսկուն «Շախտյորում», և Կլոպը «Բորուսիայում» նրա համար երկրորդ հայր լինեին կարծես: Ժոզեի դեպքում ամեն ինչ այլ է: Պորտուգալացին այլ կերպ է գործում՝ նա չոր է, խիստ ու պրագմատիկ: Եվ թվում է, որ այդ մթնոլոտում Հենրիխն իրեն այնքան էլ լավ չի զգում»,-ասվում է հոդվածում: «Մանչեսթեր Յունայթեդի» գլխավոր մարզիչ Ժոզե Մոուրինյոն կարծիք է հայտնել, որ ընթացիկ խաղաշրջանում ակումբի և Հայաստանի հավաքականի կիսապաշտպան Հենրիխ Մխիթարյանի խաղում նահանջ է նկատվում ելույթների մակարդակի առումով: «Ինձ դուր չեկավ Մխիթարյանի խաղը վերջին հանդիպումներում: Խոսքը 2-3 հանդիպման մասին չէ, այլ 4-5: Նա լավ սկսեց խաղաշրջանը, իսկ հետո քայլ առ քայլ սկսեց նահանջել: Նրա ելույթների մակարդակը գնալով վատացավ գոլերի, արդյունավետ փոխանցումների, բարձր ճնշման, մրցակցից գնդակը խլելու և այն օգուտի տեսակետից, որը պետք է թիմին բերի 10 համարի տակ խաղացող ֆուտբոլիստը: Դա բավարար էր այլ ֆուտբոլիստներին շանս տալու համար: Յուրաքանչյուրն արժանի է շանսի՝ ամեն ինչ պարզ է»,-ասել է Մոուրինյոն: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը Հավանայում կայացել է Ծանրամարտի միջազգային ֆեդերացիայի նիստը | Մարությանը կուսակցություն է հիմնում. Համագումարը` մայիսի 1–ին Անվանումն արդեն հայտնի է Բաքուն Ռասմուսենին մեղադրում է ՆԱՏՕ–ի նախկին գլխավոր քարտուղարի «կարգավիճակը չարաշահելու» մեջ Ռասմուսենի խմբի զեկույցում ԵՄ–ին կոչ է արվել համարձակ քայլեր ձեռնարկելու և էական աջակցություն ցուցաբերել Հայաստանին ԱԱԾ սահմանապահ զորքերն ընդունելություն են սկսել «Զվարթնոց» անցակետում ծառայության համար Ծառայության անցնելու համար կարող են դիմել մինչև 30 տարեկան անձինք Բնակարանային ապահովման աջակցությունից կօգտվեն այն արցախցիները, ովքեր կդառնան ՀՀ քաղաքացի Նախատեսվում է ծրագիրն իրականացնել 5 տարվա ընթացքում |