Սլուցկայան «Ախթամար» սառցե շոու կբեմադրի հայ երեխաների հետ միասին

PanARMENIAN.Net - Հանրահայտ ռուսաստանյան գեղասահորդուհի Իրինա Սլուցկայան կընտրի տաղանդավոր հայ երեխաներին, որոնք կմասնակցեն աննախադեպ «Ախթամար» սառցե շոուին:

Սլուցկայան Երևան է ժամանել գեղասահքով զբաղվող հայ երեխաներին վարպետության դաս տալու նպատալով:

«2018-ի նոյեմբերին Երևանում տեղի կունենա ցնցող մի նախագծի՝ «Ախթամար» շոուի պրեմիերան, որը պատրաստում ենք ես և իմ թիմը: Դա դրամատիկ ներկայացում կլինի սսռույցի վրա, որը մոտ է յուրաքանչյուր հայի՝ և ոչ միայն»,-ասել է Սլուցկայան, հայտնում է Sputnik Արմենիան:

Ըստ նրա, գեղասահքի պատմության մեջ առաջին անգամ սառույցի վրա կբեմադրվի ոչ թե ինչ-որ պատմություն, այլ հենց առասպելը, իսկ ինքը գեղասահորդուհին հանդես կգա Անահիտ աստվածուհու դերում:

Սլուցկայան նշել է, որ հայերն ամենուր շատ են, նրանք հարդում են իրենց ավանդույթյները և անկեղծ են:

Դեկտեմբերի 8-ին Կարապի լճի սահադաշտի արդեն 13-րդ տարեշրջանի հանդիսավոր բացումն իրենց ցուցադրական ելույթներով ազդարարեցին Երևանի Իրինա Ռոդնինայի գեղասահքի մարզադպրոցի սաները: Միջոցառմանը հետևել է նաև Իրինա Սլուցկայան:

Սահադաշտը գործելու է մինչ 2018 թվականի մարտի 1-ը, ամեն օր՝ առավոտյան ժամը 11:00-ից մինչ 22:00-ը, բացառությամբ ժամը 16:00-18:00-ը տևող տեխնիկական ընդմիջման: Սկսնակ սահորդներին կօգնեն հմուտ մարզիկները: