  «Կուլտուրա». Փոքր Հայաստանը բազում տաղանդներ է տվել աշխարհին 12 փետրվարի 2018 - 16:28 AMT PanARMENIAN.Net - Ռուսական «Կուլտուրա» հեռուստաալիքի «Ոտքով» հաղորդաշարը թողարկում է պատրաստել Երևանի մասին՝ ներկայացնելով քաղաքի պատմությունը, ճարտարապետությունը, հուշարձանները, թանգարաններն ու տաղանդներին: «Փոքր Հայաստանը բազում տաղանդներ է տվել աշխարհին: Մեզ հայտնի են հայ նկարիչները, դերասաններն ու երաժիշտները: Մոսկվայում աշխատում էր ճարտարապետ Հալաբյանը, առաջնորդներին նկարում էր Նալբանդյանը, մարդկանց ուրախացնում էր ծաղրածու Ենգիբարովը, կինո նկարահանում էր Քյոսայանը: Երաժշտությունը գրում էին Բաբաջանյանն ու Խաչատուրյանը, իսկ վերջինիս հուշարձանի հեղինակը Ֆրանգուլյանն է»,-այսպես է սկսում իր պատմությունը ծրագրի հեղինակ և հաղորդավար Միխայիլ Ժեբրակը: Նա հավելում է նաև, որ «Մեծ հայերը» թեմայով էքսկուրսիա կարելի է անցկացնել ոչ միայն Մոսկվայում, այլ նաև Փարիզում, Թբիլիսիում, Սան Ֆրանցիսկոյում: Զբոսնելով Երևանի փողոցներով՝ հեռուստահաղորդավարը պատմում է Երևանը նախագծած Ալեքսանդր Թամանյանի մասին, շրջում է Կասկադում և Հանրապետության հրապարակում, քաղաքի մյուս տեսարժան վայրերում: «Ոտքով… Ստեղծագործական Երևան» թողարկման մեջ Ժեբրակը առանձին պատմում է նաև Մարտիրոս Սարյանի և Սերգեյ Փարաջանովի տուն-թանգարանների մասին, իսկ հաղորդաշարի հաջորդ թողարկման մեջ, որը կհեռարձակվի «Ռոսիա Կուլտուրա» հեռուստաալիքով փետրվարի 18-ին, նա կանդրադառնա նաև քրիստոնեական Հայաստանին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
