  «Միր 24». ՀՀ-ն հավակնում է ՏՏ առաջատարի դերը ստանձնել Կովկասում 22 փետրվարի 2018 - 14:15 AMT PanARMENIAN.Net - Հայաստանը հավակնում է ՏՏ ոլորտի առաջատարի դերը ստանձնել Կովկասի տարածաշրջանում: Այժմ երկրում մի քանի տեխնոպարկ է գործում, ասվում է ՀՀ ՏՏ ոլորտին նվիրված «Միր 24»-ի ռեպորտաժում: Նշվում է, որ հայկական մուլտֆիլմերը նայում են ԱՊՀ ամբողջ տարածքում, 3D անիմացիայի ստուդիան դրանք ստեղծում է ռուսական ընկերությունների պատվերով: Գյումրիի տեխնոպարկում մուլտիպլիկատորները կատարում են արտադրության ամբողջ ցիկլը: Մեկ այլ սրահում թեստավորում են սենսորային «մեյքափ հայելին»: «Սենսորային պանելի վրա այցելուն ընտրում է արտադրանքը սրահի բրենդերից: Կարող է տեսադաս դիտել կամ դիմահարդարում պատվիրել սրահի մասնագետին: Ամբողջ ընթացքը կարելի է նկարահանել, լուսանկարներ անել՝ տեսախցիկները մոնտաժվում են հայելու ներսում»,-պարզաբանել է ՏՏ ոլորտի ներկայացուցիչ Տիգրան Կոսեմյանը: Այդ թիմի հաջողության մասին մյուսները միայն երազել կարող են: Կայքեր մշակողները պայմանագիր ունեն Համաշխարհային բանկի հետ: Ռեսուրս են ստեղծել Վաշինգտոնի գրասենյակի համար, որի սպասարկումն իրականացվում է Գյումրիից: «Ապահովում ենք տվյալների անվտանգությունը, ՀԲ աշխատակիցների համար ներքին օգտագործման կայքում որոնումների արագությունը»,-ասել է ՏՏ ընկերության ներկայացուցիչ Ալիկ Վարդանյանը: Գյումրիի տեխնոլոգիական կենտրոնը բացվել է 2014-ին: Այսօր այն հարթակ է ՏՏ 25 ընկերության համար: Այստեղ նաև պատրաստում են ապագա ծրագրավորողների: Դասընթացների մասնակիցները երիտասարդներ են: Ուսուցումն անվճար է և կես տարի է տևում, ասվում է ռեպորտաժում: «Դասընթացի ավարտին բոլորը պրակտիկ պարապմունքներ կանցնեն տարբեր ՏՏ ընկերությունների մասնագետների հետ: Արդյունքում կընտրեն լավագույններին, որոնք կգան մեզ մոտ աշխատելու»,-ասել է Գյումրիի տեխնոլոգիական կենտրոնի կրթական բաժնի պետ Նարինե Խաչատրյանը: Տեղեկատվական տեխնոլոգիաներով Հայաստանում ավելի քան 16.000 մասնագետ է զբաղվում: Նրանց օգնում է պետությունը: Ստարտափերն առաջին 5 տարում ազատվում են շահութահարկից, հետո՝ արտոնություններ են ստանում: Դրանից օգտվել է արդեն ավելի քան 200 ընկերություն: Ընդհանուր առմամբ Հայաստանում աշխատում է ՏՏ ոլորտի ավելի քան 700 ընկերություն, որոնց շրջանառությունը կազմում է տարեկան 600 մլն դոլար: Հղումներ թեմայով.   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
