  Սլավոնական ծագումով կնոջը թույլ չեն տվել մուտքը Բաքու «հայկական» արտաքինի պատճառով 28 հուլիսի 2018 - 12:57 AMT PanARMENIAN.Net - Սլավոնական ծագումով կնոջը թույլ չեն տվել մուտք գործել Ադրբեջան «հայկական» արտաքինի պատճառով: Այդ մասին պատմել է հայտնի բլոգեր Լենա Միրոն՝ հավելելով, որ Բաքվում որոշել են, որ իր ընկերուհին հայուհու է նման: «Ընկերուհուս՝ խոշոր աչքերով սևահերի, հետ են ուղարկել Բավքի օդանավակայանի անձնագրային հսկողության բաժնից: Նա Ադրբեջան էր մեկնել տեսարժան վայրեր այցելելու՝ զբոսնելու, հյուրանոցներում ու ռեստորաններում գումար ծախսելու: Բայց, պարզվեց, որ նրա գումարները պետք չեն ադրբեջանցիներին: Ինչո՞ւ: Շատ ծիծաղելի է, բայց ադրբեջանցի սահմանապահների մի ամբողջ կոնսիլիում որոշում էր՝ նման է ընկերուհիս հայուհու, թե ոչ: Ի վերջո որոշեցին, որ նման է: Շնորհակալություն, որ բանտ չեն նստեցրել»,-գրել է բլոգերը: Ըստ Միրոյի, մեծ աչքերից և սև մազերից բացի, նրա ընկերուհու արտաքինում ոչ մի հայկական բան չկա՝ նա սլավոնական ծագում ունի, ծնողները Լեհաստանից են և Բելառուսից: «Երեխան էլ է հայի նման»,-հայտարարել են զգոն ադրբեջանցի սահմանապահները՝ նայելով ընկերուհուս կապույտաչյա դստերը, որի հայրը գերմանացի է: «Ո՞վ կարող է Բաքվում երաշխավորել, որ դուք հայ չեք»: Այդպես 3 ժամ տանջել են ընկերուհուս, բայց այդպես էլ թույլ չեն տվել մուտքն Ադրբեջան»,-գրել է բլոգերը: Միրոն նշել է, որ հայկական ծագումով կամ հայկական ազգանուն ունեցող մարդկանց թույլ չեն տալիս մուտքն Ադրբեջան: Միրոն որպես օրինակ նշել է երգչուհի Զառա Մգոյանի հետ կապված պատմությունը, որին հրավիրել էին Բաքվում կայանալիք փառատոնին: «Ադրբեջանցիները վրդովված են: Նախ ազգանունն է հայկական: Հետո ինչ, որ եզդի է, ոչ թե հայ: Թքած, որ Ռուսաստանում է ծնվել: Եվ հետո՝ հայկական երգ ունի երգացանկում: Բաքվեցի հանդիսատեսը խոստանում է բոյկոտել Զառայի համերգը: Իսկ ես կարծում եմ, որ սահմանապահներն ընդհանրապես կարող է թույլ չտան նրան մուտք գործել երկիր: Ադրբեջանն այն երկիրն է, որտեղ հայերն անցանկալի անձինք են»,-նշել է Միրոն: Բլոգերին զարմացնում է այդ երևույթը: «Ոչ, ոչ, ես իհարկե հիշում եմ Լեռնային Ղարաբաղի մասին, երբ փոքր Հայաստանը հաղթեց մեծ Ադրբեջանին: Վիրավորական է երևի, բայց դա քաղաքական գործիչների խաղերն են, որոնցից տուժել են ոչ միայն ադրբեջանցիները, այլ նաև հայերը: Հասարակ ժողովո՞ւրդն ինչու է այդքան չարացած: Գուցե բավակա՞ն է արդեն այդպես վարվել: Ի՞նչ եք կարծու»,-գրել է Միրոն: Ընթերցեք նաև.Երգչուհի Զառայի հնարավոր այցը Բաքու՝ սկանդալի պատճառ ադրբեջանցի օգտատերերի շրջանում Հղումներ թեմայով.   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
