  Մխիթարյան. «Արսենալը» մտադիր է հաղթել մրցաշարում, ոչ թե ուղղակի մասնակցել 21 սեպտեմբերի 2018 - 16:06 AMT PanARMENIAN.Net - Հայաստանի հավաքականի և Լոնդոնի «Արսենալի» կիսապաշտպան Հենրիխ Մխիթարյանը Չեմպիոնների լիգայի խմբային փուլի առաջին տուրում ուկրաինական «Վորսկլային» (4:2) հաղթելուց հետո խոստացել է, որ թիմն աշխատելու է հաղթանակով ավարտել մրցաշարի խաղերից յուրաքանչյուրը: «Կարևոր հաղթանակ էր: Սկզբից եղան բարդություններ, բայց լավ է, որ մենք խփեցինք մինչև ընդմիջումը: Երկրորդ խաղակեսում ավելի հեշտ էր, քանի որ «Վորսկլան» սկսեց ավելի հաճախ գրոհել: Ես ընկերներ ունեմ «Վորսկլայում», բայց խաղի ժամանակ ես մոռանում դրա մասին: Հիմա կարող ենք հանգիստ հանդիպել»,- ասել է ֆուտբոլիստը, գրում է Sportbox.ru-ն: Ըստ նրա, լոնդոնյան ակումբի գործող մարզիչ Ունան Էմերին «երեք անգամ հաղթել է Եվրոպայի լիգայում, և դա շատ կարևոր է «Արսենալի» համար, քանի որ իրենք խաղում են հաղթելու համար, ոչ թե մասնակցության»: «Դա շատ կարևոր է, քանի որ հաղթողը տեղ է ստանում Չեմպիոնների լիգայում, ուստի մենք փորձում ենք հաղթել յուրաքանչյուր խաղում»,-ասել է Մխիթարյանը: ՉԼ հաջորդ խաղում «Արսենալը» հոկտեմբերի 4-ին հանդիպելու է «Ղարաբաղի» հետ:Հենրիխ Մխիթարյանը կարող է չմասնակցել Ադրբեջանի «Ղարաբաղ» անվանումով ակումբի հետ հանդիպմանը, քանի որ ՀՀ քաղաքացի է: «Մեր բոլոր ֆուտբոլիստների և աշխատակիցների անվտանգությունն ու ապահովությունը միշտ մեր առաջնայնություններից գլխավորն է եղել: Մենք կքննարկենք իրավիճակն ու կխոսենք ֆուտբոլիստի հետ, որից հետո որոշում կկայացնենք»,-ասել է «Արսենալի» մամուլի քարտուղարը՝ անդրադառնալով «Ղարաբաղի» հետ հանդիպմանը Մխիթարյանի մասնակցության հարցին: «Վորսկլան» այդ նույն օրը կհանդիպի «Սպորտինգիը» հետ: Photo. Arsenal FC via Getty Images   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
