  Սերժ Սարգսյան. Շառլ Ազնավուրի ծառայություններն իր արվեստով Հայաստանն աշխարհին ներկայացնելու ուղղությամբ անգնահատելի են 3 հունիսի 2008 - 17:59 AMT PanARMENIAN.Net - Նախագահ Սերժ Սարգսյանն այսօր հյուրընկալել է աշխարհահռչակ շանսոնիե Շառլ Ազնավուրին եւ նրա իմպրեսարիո Լեւոն Սայանին, հաղորդում է ՀՀ նախագահի մամլո ծառայությունը: Մեծանուն մեր հայրենակիցն այս անգամ Հայաստան է ժամանել ընտանիքի հետ: «Ամեն անգամ Հայաստան գալով մեծ ուրախություն եմ զգում»,- ասել է Շառլ Ազնավուրը եւ գոհունակությամբ նշել, որ ընտանիքում այլեւս հայաստանցի ունեն, թոռան կինը ծնունդով այստեղից է:Ողջունելով Շառլ Ազնավուրի հերթական այցը, Նախագահը վստահություն է հայտնել, որ այն հաճելի պահեր կպարգեւի մեր մեծ հայրենակցին: Սերժ Սարգսյանն անգնահատելի է համարել Շառլ Ազնավուրի ծառայություններն իր արվեստով ու գործունեությամբ Հայաստանն աշխարհին ըստ արժանվույն ներկայացնելու ուղղությամբ: «Յուրաքանչյուր հայ հպարտ է նման հայրենակից ունենալով եւ նաեւ Ձեր միջոցով է Հայաստանի նկատմամբ վերաբերմունք ձեւավորվում»,- ընդգծել է երկրի ղեկավարը: Մեծանուն երգիչն իր տպավորություններն է հայտնել մայրաքաղաքից, ասելով, թե հաճելիորեն զարմացած է կատարված փոփոխություններից: Ջերմ ու անմիջական զրույցի ընթացքում Հանրապետության նախագահը եւ Շառլ Ազնավուրը խոսել են հայաստանյան կյանքի մասին: Շառլ Ազնավուրը հատկապես հրատապ խնդիր է համարել գյուղական բնակավայրերի զարգացումը: Նշելով, որ տարածքային համաչափ զարգացումը կառավարության գերակայություններից է, Սերժ Սարգսյանն ասել է, որ այսօր խնդրի լուծման ուղղությամբ ձեռնարկվում են լուրջ քայլեր, այդ թվում` փորձ է արվում Երեւանում կենտրոնացած հիմնական ռեսուրսների որոշ մասը տեղաբաշխել նաեւ մարզերում:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
