Հնդկաստանի նախկին պատգամավորը հնդկական բանակի հարձակումը սիկխերի վրա համեմատել է Հայոց ցեղասպանության հետ

PanARMENIAN.Net - Լոկ Սաբխի (Փենջաբի խորհրդարան) նախկին անդամ ու Shiromani Akali Dal (SAD) քաղաքական կուսակցության նախկին նախագահ Սիմրանջիտ Սինգխ Մաննը իր ելույթում հնդկական բանակի հարձակումը սիկխերի վրա 1984 թվականի հունիսի 6-ին համեմատել է Օսմանյան Թուրքիայում Հայոց ցեղասպանության հետ: Այդ մասին PanARMENIAN.Net ին հայտնել է անկախ ֆրանսիացի լրագրող Ժան Էկիյանը:



Խալիստանի անկախության համար պայքարող սիկխերը համարվում էին Հնդկաստանի ծայրահեղականներ: Սիկխերի նկատմամբ ռազմական գործողություններ են իրականացվել, մասնավորապես, 1984 թվականի հունիսի 6-ին նրանց դեմ «Երկնագույն աստղ» գործողությունն է իրականացվել, երբ հնդկական զորքերը գրավել են Ամրիտսարի Ոսկե տաճարը` սիկխերի սրբարանը:



Սիմրանջիտ Սինգխ Մաննը պահանջել է խորհրդարանից ներողություն հայցել իրականցրած գործողության համար եւ սիկխերի համայնքի նկատմամբ ռազմական գործողությունները բնութագրել է որպես ցեղասպանություն, որն ըստ էության չի զիջում Օսմանյան Թուրքիայում իրականացված Հայոց ցեղասպանությանը: