  ԱԳՆ-ն` Կարասինին. ՀՀ-ն երկկողմ հարաբերությունները չի կառուցում ի վնաս այլ երկրների 19 դեկտեմբերի 2018 - 17:08 AMT PanARMENIAN.Net - Հայաստանը մի երկրի հետ երկկողմ հարաբերությունները չի կառուցում ի վնաս այլ երկրների: Այդ մասին հայտարարել է ՀՀ ԱԳՆ մամուլի խոսնակ Աննա Նաղդալյանը ՌԻԱ Նովոստի գործակալությանը` մեկնաբանելով ՌԴ ԱԳՆ ղեկավարի տեղակալ Գրիգորի Կարասինի խոսքերը: Ավելի վաղ Կարասինըհայտարարել էր, որ Մոսկվան հուսով է, որ Հայաստանի նոր իշխանությունները խիզախություն կունենան դիմակայելու ԱՄՆ շանտաժին ու ճնշմանը և ինքնուրույն որոշումներ կկայացնեն: «Հայաստանում 2018-ի կտրուկ փոփոխությունների ֆոնին Վաշինգտոնի միջամտությունը նրա ներքին և արտաքին քաղաքական գործերին գնալով ավելի ակնհայտ է դառնում»,- ասել է Կարասինը: «Բազմիցս ենք նշել` Հայաստանը իր հարաբերություններն այլ երկրների հետ հետևողականորեն կառուցում է ինքնիշխան հավասարության սկզբունքի հիման վրա: Մենք չենք կառուցում մի երկրի հետ հարաբերություններն ի վնաս այլ երկրների: Այդ դիրքորոշումը հետագայում ևս կլինի մեր արտաքին քաղաքականության հիմքում»,- ասել է ՀՀ ԱԳՆ մամուլի խոսնակը: Հոկտեմբերին Երևան այցելության ժամանակ ԱՄՆ նախագահի ազգային անվտանգության հարցերով օգնական Ջոն Բոլթոնը լրագրողների հետ զրույցում հայտարարել է, որ «ամերիկյան զենքն, ամեն դեպքում, ռուսականից լավն է»: Նա խորհուրդ էր տվել Երևանին իր միջազգային հարաբերություններում «ազատվել պատմական կլիշեներից»:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
