ԱԳՆ. ՀՀ կենսաբանական լաբորատորիաները քաղաքացիական են՝ ռազմական ներկայության խնդիր չկա20 դեկտեմբերի 2018 - 13:41 AMT PanARMENIAN.Net - Հայաստանում գործող կենսաբանական լաբորատորիաները քաղաքացիական բնույթ ունեն, ուստի ՀՀ պարագայում ռազմական ներկայության մասին խոսք լինել չի կարող: Այդ մասին ճեպազրույցում հայտարարել է ՀՀ ԱԳՆ մամուլի քարտուղար Աննա Նաղդալյանն՝ անդրադառնալով ՌԴ ԱԳ նախարարի հայտարարությանը Մոսկվայի և Երևանի միջև նախապատրաստվող փաստաթղթի մասին, որով կերաշխավորվի ՀՀ կենսաբանական լաբորատորիաներում օտարերկրյա զինծառայողների բացակայությունը: Սերգեյ Լավրովը հայտարարել է , որ Հայաստանի հետ փաստաթուղթ է նախապատրաստվում, որը կերաշխավորի օտարերկրյա զինվորականների բացակայությունը ԱՄՆ աջակցությամբ բացված կենսաբանական լաբորատորիաներում: «Կերաշխավորվի նաև դրանց թափանցիկ գործունեությունը»,-ասել է նա: Նա հավելել է, որ Հայաստանը բանակցություն չի վարում ՀՀ տարածքում երրորդ երկրի զինծառայողների տեղակայման շուրջ: «Սանիտարահամաճարակային վերահսկողության ոլորտը հայ-ռուսական համագործակցության մի մասն է, այդ հարցի շուրջ կա երկխոսություն: Իսկ կենսաբանական լաբորատորիաները Հայաստանինն են և դրանք միշտ ունեցել են և կունենան բացառապես քաղաքացիական բնույթ»,-ասել է Նաղդսալյանը՝ հավելելով, որ այնտեղ միայն հայ մասնագետներ են աշխատում: Լավրովն ասել էր նաև, որ թեև Հայաստանն ու Վրաստանը բացել են լաբորատորիաները ՌԴ դիվանագետների համար, սակայն այնտեղ ստուգումներ պետք է անցկացնեն մասնագետները, ոչ թե պետական գերատեսչությունների ներկայացուցիչները: Ռեֆերենս լաբորատորիաները գործում են մի քանի հետխորհրդային երկրներում՝ Ուկրաինայում, Վրաստանում, Ղազախստանում, ՀՀ-ում, Ադրբեջանում և Ուզբեկստանում: 2018-ի օգոստոսին ՌԴ ՊՆ ներկայացուցիչներին թույլ է տրվել այցելել Երևանում և Գյումրիում գտնվող լաբորատորիաներ: Այդ մասին հայտարարել էր ՀՀ վարչապետի պաշտոնակատար Նիկոլ Փաշինյանի գլխավոր խորհրդականը: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Հայաստանը Տաթևի և Տաթևի մեծ անապատ համալիրները Հաագայի կոնվենցիայով ուժեղացված պաշտպանության տակ առնելու հայտ կներկայացնի Նախապատրաստական աշխատանքներ են ընթանում ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Վրաստանի խորհրդարանն առաջին ընթերցմամբ ընդունել է «օտարերկրյա գործակալների» մասին օրենքը Զուրաբիշվիլին դռնփակ հանդիպման է հրավիրել արևմտյան երկրների դեսպաններին |