  Փորձագետ. Կովկասում կայունության եւ համագործակցության պլատֆորմ ստեղծելու թուրքական նախաձեռնությունն ապագա չունի 9 սեպտեմբերի 2008 - 19:35 AMT PanARMENIAN.Net - Կովկասի կայունության եւ համագործակցության պլատֆորմի ստեղծման թուրքական նախաձեռնությունը իրատեսական չէ, քանի որ դրանում առկա են լինելու միայն երկու տարածաշրջանային տերություններ` Ռուսաստանն ու Թուրքիան, եւ ոչ մի եվրոպական երկիր չի մասնակցելու այդ նախաձեռնությանը: Այդ մասին PanARMENIAN.Net ի թղթակցին է հայտնել Կովկասի հարցերով եվրոպական փորձագետ, ստոկհոլմյան Անվտանգության եւ զարգացման քաղաքականության ինստիտուտի համատնօրեն Սվանտե Կոռնելը: Նրա խոսքերով, նման նախաձեռնությամբ հանդես գալով, Թուրքիան, ամենայն հավանականությամբ, իր սեփական շահերից է ելնում: «Միգուցե, Հայաստանի եւ Թուրքիայի հարաբերությունների կարգավորման տեսակետից այդ նախաձեռնությունը պոտենցիալ ունի, բայց գլոբալ տեսանկյունից այն ապագա չունի»,- հայտնել է Սվանտե Կոռնելը: Հարավային Օսիայում ռազմական գործողություններից հետո պաշտոնական Անկարան հանդես եկավ «Կովկասի կայունության եւ համագործակցության պլատֆորմի» ստեղծման նախաձեռնությամբ, որին` թուրքական կողմի նախաձեռնության համաձայն, կարող են միանալ Հայաստանը, Ադրբեջանը, Վրաստանը, Թուրքիան եւ Ռուսաստանը: Թուրքիայի նախագահ Աբդուլլա Գյուլի հետ հանդիպման ժամանակ Հայաստանի նախագահ Սերժ Սարգսյանը, նշելով, որ Հայաստանը միշտ էլ երկխոսության կողմնակից է եղել` որպես տարածաշրջանում անվտանգության, համագործակցության եւ վստահության ամրապնդման երաշխիք, գնահատել է թուրքական նախաձեռնությունը` որպես տարածաշրջանում բարենպաստ մթնոլորտի ձեւավորմանն ուղղված քայլ:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Բաժիններ թեմայով Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
