Ասադը կոչ է արել սիրիահայերին վերադառնալ

Ասադը կոչ է արել սիրիահայերին վերադառնալ

PanARMENIAN.Net - Սիրիայի նախագահ Բաշար Ասադը Մեծի Տանն Կիլիկիո կաթողիկոս Արամ Առաջինի հետ հանդիպմանը արտագաղթած սիրիահայերին կոչ է արել վերադառնալ և լծվել հայրենիքի վերականգնման աշխատանքին:

Ասադը նշել է, որ Սիրիայի հայերը միշտ եղել են հավատարիմ քաղաքացիներ և մեծ ավանդ ունեն երկրի զարգացման գործում:«Հայերը մեզ համար միշտ եղել են վստահելի, սիրելի և աշխատասեր քաղաքացիներ և իրենց դրական մ,ասնակցությունն են ունեցել Սիրիայի զարգացման գործում»,-ասել է նա, հայտնում է Մեծի Տանն Կիլիկիո կաթողիկոսության կայքէջը:

Մեծի Տանն Կիլիկիո կաթողիկոս Արամ Առաջինն իր հերթին շնորհակալություն է հայտնել Սիրիայի նախագահին Հալեպի Սբ Քառասնից մանկանց եկեղեցու վերանորոգման համար: Նորին Սրբությունը նաև իր գնահատանքն է հայտնել Ասադին Սիրիայի պետության և ժողովրդի կողմից Հայ դատի նկատմամաբ ցուցաբերած զորակցության համար:

Զրուցակիցները հանդիպման ընթացքում քննարկվել են սիրիահայությանն առնչվող հարցեր:

Մարտի 30-ի առավոտյան Մեծի Տանն Կիլիկիո կաթողիկոս Արամ Առաջինի ձեռամբ վերաօծվել է Հալեպի Սրբոց Քառասնից մանկանց (40 նահատակների) մայր եկեղեցին:

Հալեպի մայր եկեղեցին պայթեցվել էր «Իսլամական պետություն» ահաբեկչական խմբավորման կողմից 2015-ի ապրիլին։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---