Արցախի գործող և նախկին նախագահներն ասել են՝ կարող են Քոչարյանի դատին գալ մայիսի 17-ին 15 մայիսի 2019 - 17:18 AMT PanARMENIAN.Net - Արցախի գործող և նախկին նախագահներ Բակո Սահակյանը և Արկադի Ղուկասյանը ասել են, որ Ռոբերտ Քոչարյանի խափանման միջոց կալանքը փոխելու երաշխավորությունը պնդելու համար կարող են դատարան գալ մայիսի 17-ին, օրվա երկրորդ կեսին:Այդ մասին դատարանում հայտարարել է Քոչարյանի պաշտպաններից Հովհաննես Խուդոյանը։ Պաշտպանը միաժամանակ, դիմելով դատավորին, ասել է, որ եթե հնարավոր է, դատարանը կարող է տալ հնարավորություն Արցախի նախագահներին իրենց երաշխավորությունը պնդել հեռակապի միջոցով։ Սակայն դատավոր Դավիթ Գրիգորյանը նկատել է, որ երաշխավորությունը պնդելու համար անհրաժեշտ է այն տվող անձանց ստորագրություն, ներկայություն, հայտնում է «Հայկական ժամանակը»: Դատավորը հավելել է նաև, որ դատարանը պարտավոր է երաշխավորներին տեղեկացնել իրենց իրավունքների մասին։ Դատավոր Դավիթ Գրիգորյանը հինգ րոպե ժամանակ է տվել՝ պարզելու՝ եթե կարգապահական գումարտակը աշխատում է շաբաթ՝ մայիսի 18-ին, կարող են դատական նիստ հրավիրել և քննարկել Արցախի նախագահների երաշխավորությունը։ Սակայն ընդմիջումից հետո պարզվել է, որ շաբաթ օրն աշխատանքային չէ և հնարավոր չէ դատական նիստ կազմակերպել։ Ռոբերտ Քոչարյանի երկամսյա կալանքի ժամկետը լրանում է մայիսի 19-ին: Ընդմիջումից հետո դատավորն ասել է, թե ցանկալի կլինի, որ երաշխավորները մայիսի 16-ին գան, որպեսզի ժամանակի առումով խնդիր չլինի: Պաշտպաններից Արամ Օրբելյանն ասել է, որ կփորձի ճշտել: Արցախի գործող և նախկին նախագահները՝ Բակո Սահակյանը և Արկադի Ղուկասյանը, անձնական երաշխավորություն են տալիս Ռոբերտ Քոչարյանի խափանման միջոց կալանավորումը փոխելու համար:Անձնական երաշխավորության մեջ նշվում է, որ իրենք երաշխավորում են, որ Ռոբերտ Քոչարյանը, գտնվելով ազատության մեջ, չի խոչընդոտի գործի քննությանը, չի խուսափի վարույթ իրականացնող մարմնին ներկայանալուց։ Ավելի վաղ Արցախի Հանրապետության նախագահ Բակո Սահակյանը և երկրորդ նախագահ Արկադի Ղուկասյանը դիմել էին ՀՀ գլխավոր դատախազ Արթուր Դավթյանին՝ մայիսի 9-ին ընդառաջ Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանի խափանման միջոցը փոխելու խնդրանքով:Գլխավոր դատախազը պատասխանել էր, որ այս պահին այդ հարցն իր լիազորություններից դուրս է:   Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում   Ամենաընթերցվողը բաժնում |  Վերջին լուրեր G7-ի երկրները կոչ են արել Բաքվին կատարել հումանիտար իրավունքի իր պարտավորությունները  Նրանք նաև կոչ են արել Երևանին և Բաքվին հավատարիմ մնալ խաղաղ գործընթացինftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասինԼավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |
