Թրամփ. ՌԴ հետ կարող ենք լավ հարաբերություններ ունենալ

PanARMENIAN.Net - ԱՄՆ նախագահ Դոնալդ Թրամփը կարծում է, որ ԱՄՆ և ՌԴ հարաբերությունները վատթարացել են 2016-ին ԱՄՆ նախագահի ընտրություններին Մոսկվայի միջամտության վերաբերյալ ԱՄՆ հատուկ դատախազ Ռոբերտ Մյուլլերի հետաքննության պատճառով: Այդ մասին նա ասել է Fox News-ին տված հարցազրույցում:

«Կարծում եմ, մենք կարող ենք շատ լավ հարաբերություններ ունենալ ՌԴ հետ: Դրանք փչացան կեղծ վհուկների որսի պատճառով: Ես կարող եմ լավ հարաբերություններ ունենալ Ռուսաստանի հետ»,-ասել է նա, հայտնում է «Վեդոմոստին»:

Ապրիլի 18-ին ԱՄՆ արդարադատության նախարարությունը հրապարակել է Մյուլլերի ամփոփիչ զեկույցը, որի վրա ՌԴ գծով հատուկ դատախազն աշխատում էր 2017-ից: Մյուլլերը չի կարողացել ՌԴ հետ Թրամփի դավադրության փաստեր գտնել: Մյուլերը հայտարարել է, որ «նախագահը չի կարող մեղադրվել դաշնային հանցագործություններ կատարելու մեջ, քանի դեռ պաշտոնավարում է: Դա կհակասեր սահմանադրությանը: Մեկնաբանելով այդ հայտարարությունը՝ Թրամփն ասել էր, որ պաշտոնաթող հատուկ դատախզը «հիմարի դերում է հայտնվել»:

Թրամփը նաև մեկնաբանել է ԱՄՆ Ներկայացուցիչների պալատի խոսնակ Նենսի Փելոսիի այն հայտարությունը, որ նա Թրամփի համար ոչ թե իմփիչմենթ կցանկանար, այլ բանտում տեսնելու հնարավորություն: Փելոսիի խոսքերը Թրամփն անվանել է «սարսափելի, զազրելի, չարանենգ հայտարարություն», իսկ նրան՝ «սարսափելի մարդ» և «նյարդային Փելոսի»:

Ավելի վաղ Թրամփն ասել էր, որ Մյուլլերի հետաքննության եզրակացությունները լիակատար արդարացում են: