Փաշինյան. Հայաստանում չգտնվեց օրը 5000-15,000 դրամով աշխատող, հնդիկները գործն արեցին 25 սեպտեմբերի 2019 - 15:39 AMT PanARMENIAN.Net - ՀՀ վարչապետ Նիկոլ Փաշինյանը ԱՄՆ կատարած այցի ընթացքում հայ համայնքի ներկայացուցիչների հետ հանդիպման ժամանակ պատասխանել է նաև Հայաստանում գործազրկությանը վերաբերող հարցին: Վարչապետն ընդգծել է, որ գործազրկության բարձր ցուցանիշին զուգահեռ Հայաստանում կան նաև գործատուներ, որոնք չեն կարողանում աշխատող գտնել: «Ես բազմիցս քննադատվել եմ այն բանի համար, որ պնդել եմ՝ բազմաթիվ թափուր աշխատատեղերի գոյության պատճառներից մեկը նաև այն է, որ շատ դեպքերում մարդիկ նախընտրում են չաշխատել, որ հանկարծ չկտրվեն սոցիալական նպաստից: Վերջին շրջանում հաճախ եմ շփվում գործարար շրջանակների հետ, և չի եղել մի հանդիպում, որտեղ չբողոքեն մարդիկ, որ չեն կարողանում աշխատող գտնել. սա համատարած պրոբլեմ է ՀՀ-ում»,-ասել է Փաշինյանը, հայտնում է 24news.am-ը: Վարչապետի խոսքով՝ 3-4 ամսվա ընթացքում նախարարությունը ի հայտ է բերել 7000 թափուր աշխատատեղ, շուրջ 5000 հոգի աշխատանքի է տեղավորվել: Չնայած դրան՝ Փաշինյանը հիշեցրել է նաև, որ «Ձյունիկ» սառնարանի հրդեհի ժամանակ մեծ քանակությամբ միս տեղափոխելու աշխատանքն այդպես էլ ոչ մի հայաստանցի չի կատարել: «Հրդեհից հետո հարյուրավոր տոննաներով մսամթերք էր փչացել, համաճարակի վտանգ կար: Չնայած կառավարության պարտավորությունը չէր, բայց ֆինանսավորեցինք, որ փչացած մսամթերքը հեռացվի: Մենք ասում էինք՝ քանի որ անվտանգության հետ կապված խնդիր է, վճարեք մարդկանց 5000-10,000 դրամ»,- պատմել է Փաշինյանը, նշելով՝ Հայաստանում «մի մարդ չգտնվեց, որ կգար օրը 5000-15,000 դրամով այդ աշխատանքը աներ», արդյունքում գործը կատարեցին Հնդկաստանի քաղաքացիները: Ամփոփելով խոսքը՝ Փաշինյանը նշել է, որ իր կարծքիով Հայաստանում ցածր որակավորման աշխատող ռազմավարական հեռանկարում չպետք է լինի, սակայն մյուս կողմից էլ տեսնում է, որ կան բազմաթիվ թափուր աշխատատեղեր: Վարչապետն ընդգծել է, որ պետությունն իր հերթին թեթևացնում է բիզնեսի հարկային բեռը և խրախուսում անհատ ձեռներեցներին: Պաշտոնական տվյալներով՝ Հայաստանում 2019 գործազուրկների միջին ամսական թվաքանակը 63,243 մարդ է: Վարչապետ Փաշինյանը բազմիցս անդրադարձել է գործազրկության հարցին՝ նշելով, որ կա նաև աշխատողի՝ աշխատաշուկայի պահանջներին չբավավրելու խնդիրը: Օրենսդրական փոփոխություններից հետո նպաստառուները աշխատելու պարագայում նպաստից չեն զրկվում:   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Սերժ Սարգսյան․ Ցեղասպանության հարցը սակարկման ենթակա չէ, միայն իշխանազավթներին հեռացնելը կկանխի պետականության կործանումը  Նա նշել է, որ միայն օր առաջ համազգային ընդվզումով կապիտուլյանտ իշխանազավթներին հեռացնելը կարող է կանխել պետականության կործանումըՓաշինյան․ Մեծ եղեռնը դատավճիռ չէ՝ պետք է դադարենք հայրենիքի փնտրտուքը, որովհետև գտել ենք այդ հայրենիքը «Մեծ եղեռնը, հայրենազրկումը դատավճիռ չէ մեզ համար, որ պիտի կրենք որպես կորուսյալ հայրենիքի շարունակական փնտրտուք»,–նշել է նաԱլիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ»Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա |
