  Ադրբեջանցիների բողոքի ցույցը չխանգարեց Հայաստանի եւ Շվեդիայի ԱԳՆ ղեկավարների հանդի-պմանը 8 նոյեմբերի 2008 - 12:19 AMT PanARMENIAN.Net - Նախօրեին Ստոկհոլմում տեղի է ունեցել Հայաստանի եւ Շվեդիայի արտգործնախարարներ Էդվարդ Նալբանդյանի եւ Կառլ Բիլդտի հանդիպումը: Կառլ Բիլդտը հայտնել է, որ ողջունում է Հայաստանի, Ադրբեջանի եւ Ռուսաստանի նախագահների` Մոսկվայում ստորագրած համատեղ հռչակագիրը Լեռնային Ղարաբաղի հակամարտության կարգավորման վերաբերյալ: Նրա խոսքերով, Կովկասի օգոստոսյան ճգնաժամը ցույց տվեց, որ «սառեցված հակամարտությունները երբեք սառեցված չեն մնում»: Կառլ Բիլդտը հույս է հայտնել, որ Երեւան կայցելի նախքան 2009թ. հուլիսին ԵՄ նախագահությունը կանցնի Շվեդիային: Ելույթ ունենալով Անվտանգության եւ զարգացման ինստիտուտում կազմակերպված հանդիպմանը` Էդվարդ Նալբանդյանը հայտնել է, որ Վրաստանի հակամարտությունը ծայրահեղ անհանգստություն է առաջացրել Հայաստանում, քանի որ հանրապետություն ներկրվող ապրանքների 70% անցնում է Վրաստանի տարածքով, եւ այդպիսով, ցանկացած լուրջ իրադարձությունը Վրաստանում անդրադառնում է Հայաստանի վրա: Խոսելով ղարաբաղյան գործընթացի վերջին զարգացումների մասին` Հայաստանի արտաքին քաղաքական գերատեսչության ղեկավարը նշել է, որ Հայաստանի եւ Ադրբեջանի նախագահների մոսկովյան հանդիպումը առաջընթացի լուրջ քայլ է դարձել, հաղորդում է The Earthtimes-ը: Նշենք, որ Հայաստանի եւ Շվեդիայի ԱԳՆ ղեկավարների հանդիպման նախօրեին երկրի ադրբեջանական սփյուռքը բողոքի ցույց էր կազմակերպել Էդվարդ Նալբանդյանի ստոկհոլմյան այցելության դեմ: Ցույցի ավարտից հետո ընդունվել է հայտարարություն, որում քննադատվում է «Հայաստանի ագրեսիան Ադրբեջանի դեմ»: Փաստաթուղթը փոխանցվել է Շվեդիայի ԱԳՆ:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Բաժիններ թեմայով Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
