 ՌԴ ԱԳՆ աղբյուր․ ԵԱՀԿ ՄԽ շրջանակում 3+2 հանդիպումը կարող է աշնանը կայանալ 29 հուլիսի 2020 - 10:57 AMT PanARMENIAN.Net - ԵԱՀԿ ՄԽ 3 համանախագահի (ՌԴ, ԱՄՆ, Ֆրանսիա) և ՀՀ ու Ադրբեջանի ԱԳ նախարարների 3+2 ձևաչափով հանդիպումը հայ-ադրբեջանական սահմանին իրավիճակի վերաբերյալ կարող է աշնան սկզբին անցկացվել, եթե երկու պետութան հարաբերություններում իրավիճակը թույլ տա, նաև կորոնավիրուսի պանդեմիայի դինամիկան։ Այդ մասին տեղեկացրել է ՌԴ ԱԳՆ աղբյուրը, գրում է ՌԻԱ Նովոստին։ Ըստ աղբյուրի՝ «շփումները ԵԱՀԿ ՄԽ շրջանակում մշտական ռեժիմով են ընթանում, ամեն օր համանախագահների միջև»։ «Հիմա գլխավորն իրավիճակը լիցքաթափելն է, որը շարունակում է բավականին լարված մնալ Ադրբեջանի և ՀՀ սահմանին, ինչպես նաև ակտիվացնել դիվանագիտական հանգուցալուծման որոնումը ԵԱՀԿ ՄԽ շրջանակում», - ասել է աղբյուրը ՌԴ ԱԳՆ-ում։ Նա նշել է նաև, որ հնարավոր հանդիպման վայրը դեռ որոշված չէ, այն կարող է տեղի ունենալ ցանկացած վայրում։ Հուլիսի 12-16-ը ներառյալ հայ-ադրբեջանական սահմանի տավուշյան հատվածում մարտական գործողություններ են եղել, որոնք հրահրել է Ադրբեջանը: Հայկական կողմը դրանց հետևանքով 5 զոհ ունի, Ադրբեջանից հայտնի է 12-ի մասին: Հուլիսի 17-21-ը սահմանին հարաբերական հանգիստ վիճակ է եղել։ Հուլիսի 21-ին Ադրբեջանը գրոհել է հայկական «Անվախ» դիրքի վրա և ետ շպրտվել։ Հուլիսի 22-ից հարաբերական կայուն վիճակը վերականգնվել է։ Հուլիսի 29-ին Ադրբեջանն ու Թուրքիան լայնածավալ համատեղ զորավարժություններ են սկսում՝ Բաքվում, Նախիջևանում, Գյանջայում, Կյուրդամիրում և Եվլախում։ Ըստ ծրագրի՝ ցամաքային զորքերի ներգրավմամբ զորավարժությունները կանցկացվեն օգոստոսի 1-5-ը Բաքվում և Նախիջևանում, իսկ ռազմական ավիացիայի մասնակցությամբ՝ հուլիսի 29-ից օգոստոսի 10-ը՝ Բաքվում, Նախիջևանում, Գյանջայում, Կյուրդամիրում և Եվլախում։ Ընթերցեք նաև․ ՊՆ ղեկավարը և ՌԴ դեսպանը քննարկել են ռազմական գործակցության խնդիրները   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
