Մանկատան 163 շրջանավարտ բնակարան կստանա

Մանկատան 163 շրջանավարտ բնակարան կստանա

PanARMENIAN.Net - Կառավարությունը որոշել է 2003-2015 թթ. ընթացքում «Պետական աջակցություն մանկատան շրջանավարտներին» ծրագրով հատկացված բնակ.տարածքը կամ բնակարանը նվիրաբերել դրանք զբաղեցրած 163 շրջանավարտի։

Աշխատանքի և սոցիալական հարցերի նախարար Զարուհի Բաթոյանը հայտնել է, որ նախկինում այդ բնակարանները տրամադրվել են անհատույց օգտագործման իրավունքով՝ 10 տարով։

Պայմանագրով նախատեսվել է, որ բնակարանը կարող է հետագայում մասնավորեցվել կամ տրվել վարձակալության։ Բաթոյանն ասել է, որ այսպիսով բնակարաններով են ապահովվում 1991-2019 թթ. մանկատան շրջանավարտ եղած, սեփականություն չունեցող և բնակարան չօտարած քաղաքացիները։

Նախարարը հիշեցրել է, որ հերթացուցակում ներառված, սակայն բնակարան չստացած շահառուների համար 2019-ին մեկնարկել է բնակարանների գնման գործընթացը, որով հնարավորություն է տրվում ձեռք բերել բնակարան սեփականության իրավունքով։ Բաթոյանի խոսքով՝ նույն կարգավիճակում հայտնված անձինք, այսպիսով, անհավասար պայմաններում էին հայտնվել։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---