  Amnesty International․ Արցախի բնակելի շրջանների դեմ կիրառվել է իսրայելական արգելված կասետային զինամթերք 6 հոկտեմբերի 2020 - 13:03 AMT PanARMENIAN.Net - Amnesty International կազմակերպության մասնագետներն ուսումնասիրություններով պարզել են, որ Ստեփանակերտի բնակելի շրջանների դեմ կիրառվել է իսրայելական արտադրության M095 DPICM կասետային զինամթերք։ Նշվում է, որ, ամենայն հավանականությամբ, դրանցով կրակել է ադրբեջանական կողմը։ Հակառակորդն Արցախի քաղաքացիական բնակչության նկատմամբ կիրառում է միջազգայնորեն արգելված կասետային զինամթերք, ինչը երկարաժամկետ վտանգ է ներկայացնում։ Հայկական կողմն արգելված զինամթերքի կիրառումը փաստող բազմաթիվ լուսանկարներ և տեսանյութեր է հրապարակել։ Հոկտեմբերի 4-ին Արցախի Մարդու իրավունքների պաշտպան Արտակ Բեգլարյանը դիմել էր միջազգային հանրությանը` ևս մեկ անգամ բարձրաձայնելով արգելված զինամթերքի կիրառման հարցը, և հորդորելով կույր չլինել։ Կասետային զինամթերքը բաղկացած է կոնտեյներից, որն օդում բացվում է և տարածության վրա փնջով սփռում բազմաթիվ ռազմամթերք: Այն կարող է կիրառվել օդից նետման կամ հրետանու և հրթիռների միջոցով։ Ադրբեջանն արկեր է կիրառել նաև իսրայելական արտադրության LAR-160 համազարկային կրակի ռեակտիվ համակարգերով։ Արցախի տեղեկատվական շտաբը հորդորել է Ստեփանակերտում կամ ցանկացած վայրում կասետային զինամթերք հանդիպելու դեպքում ձեռք չտալ դրանց: Աշխարհում այս զինամթերքի հիմնական թիրախը խաղաղ բնակչությունն է։ Այն հատկապես վնասում է քաղաքացիականներին։ Կասետային զինամթերքի կիրառումն արգելված է ոչ միայն միջազգային մարդասիրական իրավունքով, այլև 2008 թվականին ընդունված Կլաստերային Զինամթերքի Մասին Միջազգային Կոնվենցիայով։ Դրանով խստիվ արգելվում է կասետային զինամթերքի կիրառումը, տեղափոխումը, արտադրությունը, պահումը և պահեստավորումը։ Այն ստորագրել է 100-ից ավելի երկիր։ Հայաստանը պաշտոնապես հայտարարել է, որ իր երկրի տարածքում չի արտադրում, պաշար չի հավաքում և չի օգտագործում նման տեսակի զինամթերք, բայց տարածաշրջանային անվտանգությամբ պայմանավորված դեռ չի ստորագրել կոնվենցիան՝ ակնկալելով փոխադարձության սկզբունքը։ Կարդացեք նաև` Ադրբեջանը խախտում է հումանիտար իրավունքը և խաղաղ բնակչության դեմ կիրառում արգելված փնջային զինամթերք   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
