  ԵԽ․ ՀՀ-ն ու Ադրբեջանը պարտավորվել են ԼՂ խնդիրը լուծել խաղաղ ճանապարհով 19 հոկտեմբերի 2020 - 17:02 AMT PanARMENIAN.Net - Հայաստանն ու Ադրբեջանը պարտավորվել են Եվրախորհրդի առջև՝ հետևել մարդու իրավունքների պաշտպանությանն իրենց երկրներում, ինչպես նաև խաղաղ ճանապարհով կարգավորել Լեռնային Ղարաբաղի խնդիրը, հայտարարել է Եվրոպայի խորհրդի գլխավոր քարտուղար Մարիա Պեյչինովիչ-Բուրիչը, փոխանցում է «Ազատություն» ռադիոկայանը։ «Հայաստանն ու Ադրբեջանը Եվրոպայի խորհրդի անդամներ են: Երկու երկիրն էլ պարտավորվել են լուծել հակամարտությունը խաղաղ ճանապարհով: Եվ երկու երկիրն էլ պարտավոր են պահպանել Մարդու իրավունքների եվրոպական կոնվենցիան: Այս ոլորտում մարդու իրավունքների հարգումը կենսական և իրավական պարտավորություն է», - ասել է նա: ԵԽ գլխավոր քարտուղարը նշել է, որ հակամարտությունների և տարածքային վեճերի լուծումն իր կազմակերպության իրավասությունների մեջ չէ՝ ընդգծելով նաև, որ իր մանդատի առաջնահերթություններից է համարում վիճահարույց տարածքներում մարդու իրավունքների պահպանման խնդրի կարգավորումը: ԵԽ գլխավոր քարտուղարի ներկայացուցիչ Դանիել Հոլթգենն իր հերթին թվիթերյան իր միկրոբլոգում հայտարարել է, որ Հայաստանն ու Ադրբեջանը պետք է պահպանեն Լեռնային Ղարաբաղում հրադադարի ռեժիմը և վերադառնան բանակցային գործընթացին։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
