Ֆրանսիան 231 իսլամիստ ծայրահեղականի կարտաքսի 19 հոկտեմբերի 2020 - 18:23 AMT PanARMENIAN.Net - Ֆրանսիան 231 իսլամիստ ծայրահեղականի կարտաքսի։ Այդ մասին հայտարարել է երկրի ներքին գործերի նախարար Ժերար Դարմանենը՝ նշելով, որ այդ «անցանկալի օտարերկրացիները» ընդգրկված են այսպես կոչված S ցուցակում և կասկածվում են ծայրահեղականության մեջ, տեղեկացնում է Europe 1-ը։ Նշվում է, որ այդ անձինք դեռևս ընտրվել են միայն ապօրինի ներգաղթյալների ցուցակից, որոնք Ֆրանսիա են ժամանում առանց փաստաթղթերի և առանց դրանք ստանալու հույսի։ 180 մարդ բանտում է նստած, ևս 51-ը ձերբակալվելու է առաջիկայում, գրում է Theins.ru-ն։ Հոկտեմբերի 16-ին Փարիզից դեպի արևմուտք գտնվող Կոնֆլան Sենտ Օնորին քաղաքում երիտասարդը գլխատել է դպրոցի ուսուցչին և լուսանկարը հրապարակել սոցցանցում՝ ուղեկցելով «անհավատներին» հասցեագրված սպառնալիքներով։ Ֆրանսիայի նախագահ Էմանուել Մակրոնը սպանությունը ահաբեկչություն է որակել։ Ուսուցչի վրա հարձակված անձը 18-ամյա չեչեն Աբդուլահան Անզորովն է, ծնունդով՝ Մոսկվայից։ Ըստ քննության վարկածի, նա ցանկացել է պատժել ուսուցչին Charlie Hebdo-ում հրապարակված Մոհամեդ մարգարեի ծաղրանկարներն աշակերտներին ցույց տալու համար։ Քննության շրջանակում 9 մարդ է ձերբակալվել։ Photo. Reuters   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի  Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համարՓաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անելՎարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար |
