  Ֆրեզնոյում 3 հայ է դանակահարվել Արցախի հարցով խաղաղ ցույցի ժամանակ 29 հոկտեմբերի 2020 - 12:18 AMT PanARMENIAN.Net - ԱՄՆ Ֆրեզնո քաղաքում Արցախի հարցով հայերի անկացրած խաղաղ ցույցի ընթացքում ակցիայի 3 մասնակից է դանակահարվել։ Հանցագործը փախել է դեպքի վայրից, ավելի ուշ բերման ենթարկվել, ոստիկանությունը հետաքննություն է սկսել: KTLA հեռուստաալիքի փոխանցմամբ՝ Ֆրեզնոյի ոստիկանությունը, արձագանքելով ցույցի ժամանակ դանակահարության մասին ահազանգին, հայտնաբերել է երեք դանակահարվածի։ Ըստ ոստիկանության՝ բողոքի ցույցի կազմակերպիչները 4 մեքենայով փակել են ճանապարհը, խցանման մեջ մնացած վարորդներից մեկը դուրս է եկել մեքենայից, ըստ ականատեսների՝ մի քանի բառ փոխանակել, ապա հանել դանակը և թափահարելով սպառնացել ցուցարարներին։ Տուժածները 18-ից 26 տարեկան տղամարդիկ են․ մեկը ստացել է ձեռքի շրջանում կտրվածք, մյուսը՝ կրծքավանդակի, երրորդը՝ մատի։ Հանցագործը փախել է դեպքի վայրից, ավելի ուշ ոստիկանությունը հայտնաբերել է կասկածյալին և ձերբակալել։ Այլ մանրամասներ հայտնի չեն։ Հոկտեմբերի 28-ին թուրքերը մուրճերով, դանակներով և մահակներով Ֆրանսիայում հարձակվել էին խաղաղ ցույց անող հայերի վրա, 10 հայ վիրավորվել էր։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
