ՀՀ պետպարտքի թույլատրելի առավելագույն շեմը կբարձրացվի 2 նոյեմբերի 2020 - 14:18 AMT PanARMENIAN.Net - ՀՀ պետական պարտքի շեմը կբարձրանա, քանի որ տնտեսության վրա բացասական ազդեցություն է ունեցել նաև ռազմական դրությունը։ Այնուամենայնիվ, քայլեր կձեռնարկվեն, որ պարտք վերցված միջոցները ծախսվեն արդյունավետ և ծառայեն դրա մարմանը։ Այս մասին, Panorama.am հաղորդմամբ, ասել է փոխվարչապետ Մհեր Գրիգորյանը: Ներկայումս գործող կարգավորումներով պետպարտքը չպիտի գերազանցի ՀՆԱ 60%-ը։ «Իհարկե, շրջանառությունները որոշակի իմաստով կնվազեն, հարկային մուտքերը կանխատեսվածից ավելի ցածր մակարդակ կունենան, պակասուրդն ավելի կլինի, բայց կան կոմպենսացիոն մեխանիզմներ, որոնք պետք է կիրառվեն: Կարծում եմ, որ կգտնենք այն հաշվեկշիռը, որը հնարավորություն կտա այս իրավիճակից դուրս գալ, մարտահրավերից բխող ռիսկերը չեզոքացնել, կառավարել և ունենալ կայուն սոցիալ-տնտեսական իրավիճակ»,- նշել է Գրիգորյանը։ Նրա խոսքով՝ ավելի կարևոր է, թե ինչ արդյունավետությամբ և նպատակներով կծախսվի ավելացված պարտքը, քան դրա աճի ծավալները։ «Այո, իհարկե, պարտք վերցնելն ինքնանպատակ չէ, որևէ մեկը չի պատրաստվում պարտք վերցնել, որպեսզի, ենթադրենք, իրականացնի ծախսեր, որոնք պայմանավորված չեն իրավիճակով։ Ես կարծում եմ՝ այստեղ պետք է ավելի շատ հետևել ֆինանսների նախարարության փորձագետների կողմից ներկայացվող վերլուծություններին, թե ինչպես է այդ պարտքով վերցված գումարը ծախսվելու, և այդ ծախսման արժեքներով մենք ինչ հավելյալ արդյունքներ ենք գեներացնելու, որոնք հնարավորություն կտան այդ պարտքը բնականոն սպասարկել և ի վերջո մարել»,- նշել է Գրիգորյանը։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |