 Արա Աբրահամյանը ՌԴ իրավապահներին հորդորել է զսպել ադրբեջանցիների սադրանքները 9 նոյեմբերի 2020 - 10:50 AMT PanARMENIAN.Net - Ռուսաստանի հայերի միության նախագահ Արա Աբրահամյանը նամակով դիմել է ՌԴ ղեկավարներին, այդ թվում համապատասխան ուժային կառույցների՝ նրանց ուշադրությունը հրավիրելով Մոսկվայում և ՌԴ խոշոր այլ քաղաքներում ադրբեջանցիների կողմից կազմակերպվող սադրանքներին: Նամակներում ասվում է, որ մինչ Ռուսաստանի հայերի միությունը և Միասնական շտաբը հայրենակիցներին կոչ են անում զգացմունքներին չտրվել, «գործել ՌԴ օրենքների շրջանակում և չպատասխանել ադրբեջանցիների հանդունգն պահվածքին, վերջիններս, ղեկավարվելով, ըստ ամենայնի, անմիջապես Բաքվից, ՌԴ քաղաքների շուկաներում և փողոցներում ծայրահեղ ամբարտավան են իրենց պահում»: «Հուսով ենք, որ ՌԴ իրավապահ մարմիններն օպերատիվ և կոշտ գործողություններ կձեռնարկեն հասարակական կարգը խախտողների նկատմամբ և թույլ չեն տա հակամարտությունը տեղափոխել Ռուսաստանի տարածք»,- ասվում է հայտարարության մեջ։ Նաև տեսանյութ է հրապարակվել, որտեղ երևում է ռուսաստանյան շուկաներից մեկում կախված՝ սադրիչ գրառմամբ ադրբեջանական դրոշը: Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
