 Փոխվարչապետ․ Փետրվարի 1-ից ՀՀ-ից ՌԴ է մեկնել 3900 մարդ, վերադարձել` 3400 4 փետրվարի 2021 - 15:21 AMT PanARMENIAN.Net - Փետրվարի 1-ից հետո Հայաստանից Ռուսաստան ընդհանուր առմամբ մեկնել է 3900 մարդ, վերադարձել` 3400-ը։ Հայկական անձնագրով մեկնածների թիվը 1423 է, ՀՀ ժամանածների` 1263, հայտարարել է փոխվարչապետ Մհեր Գրիգորյանը։ Օդային հաղորդակցության վերականգնումից հետո Մոսկվա մեկնած ՀՀ քաղաքացիներից միայն 7-ի դեպքում են խնդիրներ առաջացել, նրանք վերադարձել էին Հայաստան։ Գրիգորյանը հայտնել է, որ խնդիրը, ամենայն հավանականությամբ առաջացել է այն պատճառով, որ նրանք ՌԴ են մեկնել թղթային QR կոդով, ինչն էլ, ըստ փոխվարչապետի՝ կասկածներ է առաջացրել ՌԴ սահմանապահների մոտ։ Ավելի վաղ գործարկվել էր «Ճամփորդիր առանց Covid-19» բջջային հավելվածը. այն հնարավորություն է տալիս սմարթֆոնում ունենալ հանձնած Covid-19 թեստի արդյունքը՝ QR կոդի տեսքով։ «Մենք, բնականաբար, ավելի խորը կհասկանանք խնդիրը և կօժանդակենք, որ այդ խնդիրները լուծվեն, բայց ուզում եմ ևս մեկ անգամ արձանագրել, որ դա ընդհանրապես կապ չունի հավելվածի աշխատանքի հետ»,- ասել է Գրիգորյանը։ Փոխվարչապետը վստահեցրել է, որ հավելվածն անթերի աշխատում է, և արդեն 20,000 մարդ ներբեռնել է այն։ Փետրվարի 1-ից ՌԴ-ն բացել է օդային սահմանը ՀՀ-ի հետ, քաղաքացիները կարող են մեկնել Ռուսաստան՝ համապատասխան հավելվածում կորոնավիրուսի բացասական թեստ ունենալու պարագայում։ Երևանից Մոսկվա առաջին չվերթով մեկնած քաղաքացիներից ոմանց Մոսկվան չէր ընդունել։ Երևան վերադարձած քաղաքացիները փետրվարի 3-ին Երևանի «Զվարթնոց» օդանավակայանում բողոքում էին` պատասխան պահանջելով իրենց տրված «կեղծ» թղթերի համար։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
