Հանրահավաք՝ Ազատության հրապարակում․ Մանուկյանն ասում է՝ ողբալի տնտեսական վիճակ է, «վարչակազմը դուրս պիտի շպրտվի»

PanARMENIAN.Net - Երևանի Ազատության հրապարակում մեկնարկել է Հայրենիքի փրկության շարժման հերթական հանրահավաքը՝ վարչապետ Նիկոլ Փաշինյանի պահանջով, Para Tv-ն։

Ընդդիմության վարչապետի միասնական թեկնածու Վազգեն Մանուկյանի խոսքով՝ 2018-ից հետո ՀՀ-ում միայն «ողբերգություն կա և մենք կորցրել ենք գրեթե ամեն ինչ»:

«Սա դառնում է կամաց-կամաց ոստիկանանկան պետություն։ Փակում են թղթակիցների ձայնը, բերանը։ Ձերբակալում են ամենամաքուր, ազնիվ, երկրին նվիրված մարդկանց։ Ես որ իմացա Կարեն Բեքարյանին ձերբակալել են ուղղակի ցնցվեցի»,-հայտարարել է Մանուկյանը։

Նախկին պատգամավոր Բեքարյանը ձերբակալվել է «Գագիկ Սողոմոնյան» ֆեյք էջը վարելու կասկածով։

Նրա խոսքով՝ «ողբալի տնտեսական վիճակ է», սակայն այս վիճակից դուրս գալու համար պետք է «վարչակազմը դուրս շպրտվի»։

«Իսկ ինչ քայլեր պիտի կատարվեն, մենք ոչ միայն պիտի վերականգնենք այն ամենն, ինչ որ կորցրել ենք, այլ մենք իսկապես պիտի կառուցենք այն պետությունը, որի մասին երազում էինք»,-հայտարարել է նա։

Ավելի վաղ մամուլում լուրեր տարածվեցին, որ Հայաստանի 2-րդ և 3–րդ նախագահներ Սերժ Սարգսյանը և Ռոբերտ Քոչարյանը հանդիպել էին Հայրենիքի փրկության շարժման ներկայացուցիչներ Արթուր Վանեցյանի, Իշխան Սաղաթելյանի, Գագիկ Ծառուկյանի և Վազգեն Մանուկյանի հետ։ Տեղեկություն կա, թե շարժման ռազմավարությունը փոխվելու է, հնարավոր է` շարժումը այն գլխավորի երկրորդ նախագահ Ռոբերտ Քոչարյանը։ Ընդդիմությունն ավելի վաղ որպես վարչապետի միասնական թեկնածու էր ներկայացրել նախկին վարչապետ Վազգեն Մանուկյանին։