  Նախատեսվում է բնակչության 10-15%-ը պատվաստել Covid-19-ի դեմ մինչև տարեվերջ 4 մարտի 2021 - 18:41 AMT PanARMENIAN.Net - Մինչև 2021թ․ ավարտը Հայաստանում նախատեսվում է Covid-19-ի դեմ պատվաստել բնակչության 10-15%-ը։ Այդ մասին տեղեկացրել է առողջապահության նախարար Անահիտ Ավանեսյանը։ Ըստ նրա, արդեն որոշված են ռիսկի խմբերը, որոնք առաջին հերթին կապահովվեն պատվաստանյութով, գրում է ԱՌԿԱ-ն։ «Մեր գնահատմամբ, այդ խմբերի պատվաստումը կկազմի բնակչության 10-15%-ը։ Նախատեսվում է, որ պատվաստման այդ ծրագիրը կավարտվի մինչև տարեվերջ»,-ասել է նա։ Ընդ որում, նա նշել է, որ կախված պատվաստանյութի գնից և հնարավորություններից կառավարությունն ամեն հնարավորը կանի, որպեսզի այդ շրջանակն ընդլայնվի և հնարավորինս շատ մարդ պատվաստվի։ Նա նշել է, որ ռուսական «Սպուտնիկ V»-ից բացի մասնագիտական խորհուրդն առաջարկել է գնել նաև AstraZeneca պատվաստանյութը՝ այդ ուղղությամբ աշխատանքներ են ընթանում։ Ավելի վաղ առողջապահության նախարարության Հիվանդությունների վերահսկման և կանխարգելման ազգային կենտրոնի փոխտնօրեն Գայանե Սահակյանը հայտնել էր, որ Կորոնավիրուսի դեմ առաջին պատվաստանյութը, որը կգնի Հայաստանը, «Սպուտնիկ V»-ն է լինելու։ Նա նշել է նաև, որ կորոնավիրուսի դեմ պատվաստումներն արդեն սկսվել են հիվանդների ու բուժաշխատողների շրջանում. ՌԴ առողջապահության նախարարության կողմից Հայաստանը նվեր էր ստացել պատվաստանյութ` նախ 30, հետո` 1000 մարդու համար (2060 դեղաչափ)։ Պատվաստանյութերի նոր խմբաքանակով, ըստ Սահակյանի, մարտի կեսերին կշարունակեն պատվաստումներն ինչպես բուժաշխատողների շրջանում, այնպես էլ խոցելի խմբերում` 65-ից բարձր տարիք և քրոնիկ հիվանդություններ ունեցողների շրջանում։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
