  Freedom House․ Բաքուն պարտավոր է հայ գերիների մասին տեղեկություն տրամադրել և գործակցել ՄԻԵԴ-ի հետ 12 մայիսի 2021 - 11:05 AMT PanARMENIAN.Net - Freedom House-ը հայտարարություն է տարածել, արձագանքելով Ադրբեջանի կողմից ձերբակալված հայ ռազմագերիների և քաղաքացիական անձանց նկատմամբ բռնության դեպքերի մասին հաղորդագրություններին՝ նշելով, որ հրադադարից մի քանի ամիս անց մոտ 200 հայի ճակատագիրը, որոնք ենթադրաբար գերեվարված են, անհայտ է։ Նշվում է, որ Բաքուն պարտավոր է համագործակցել ՄԻԵԴ-ի հետ և տեղեկատվություն տրամադրել հայ գերիների մասին Նշվում է նաև, որ գերիների վերադարձի մասին դրույթ կա Լեռնային Ղարաբաղում կրակի դադարեցման մասին հայտարարության մեջ։ «Մենք խորապես մտահոգված ենք վերջին զինված հակամարտությունից հետո հաղորդագրություններով Ադրբեջանում պահվող հայերի նկատմամբ դաժան և անմարդկային վերաբերմունքի, այդ թվում՝ խոշտանգումների մասին հաղորդագրություններով»,-ասել է Freedom House-ի Եվրոպայի և Եվրասիայի ծրագրեի գծով տնօրեն Մարկ Բերենդտը։ «Կոչ ենք անում Ադրբեջանի իշխանություններին համագործակցել Մարդու իրավունքների եվրոպական դատարան (ՄԻԵԴ) հետ՝ ձերբակալված հայերի հանդեպ անմարդկային վերաբերմունքի մասին հաղորդագրությունների հետաքննության առումով, անկախ նրանց կարգավիճակից, և դեռևս կալանքի տակ մնացողների համար ապահովել միջազգային հումանիտար նորմերի և իրավունքի պահպանում, այդ թվում՝ խոշտանգումներից և անմարդկային վերաբերմունքից, ինչպես նաև տվյալներ ներկայացնել նրանց հայրենադարձության վերաբերյալ։ Որպես Մարդու իրավունքների մասին եվրոպական կոնվենցիան ստորագրած երկիր Ադրբեջանը պարտավոր է ամբողջ ծավալով համագործակցել ՄԻԵԴ հետ և տրամադրել ամբողջ անհրաժեշտ տեղեկատվությունը՝ նպաստելու համար այդ լուրջ հարցերի թափանցիկ հետաքննությանը»,-ասվում է հայտարարության մեջ։ Ավելի վաղ ՀՀ կառավարությունը դիմել է ՄԻԵԴ՝ Ադրբեջանում գտնվող հայ ձերբակալվածների ճակատագիրը պարզելու համար: Մարտին ՄԻԵԴ-ը 188 հոգու համար ընդունել էր միջանկյալ միջոցներ, ուղղված անհատն պաշտպանությանը, քանի դեռ քննությունն ընթացքի մեջ է: ՄԻԵԴ-ը Ադրբեջանի կառավարությունից պահանջել է տրամադրել ձերբակալվածների վերաբերյալ բժշկական տեղեկություններ, տեղեկատվություն նրանց պահման պայմանների և նրանց նախատեսվող հայրենադարձության մասին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
