  ԱՄՆ կոնգրեսականը Սյունիքի մարզ ադրբեջանցիների ներխուժման հարցով դիմել է Բայդենի վարչակազմին 13 մայիսի 2021 - 11:03 AMT PanARMENIAN.Net - ԱՄՆ Ներկայացուցիչների պալատի անդամ Ադամ Շիֆը ՀՀ Սյունիքի մարզ ադրբեջանական ուժերի ներխուժման կապակցությամբ դիմել է ԱՄՆ նախագահ Ջո Բայդենի վարչակազմին։ Այդ մասին նրա գրառում է կատարել ֆեյսբուքյան իր էջում։ «Ես խորապես մտահոգված եմ վերջին հաղորդագրություններով այն մասին, որ ադրբեջանական զորքերն անցել են Հայաստանի տարածք: Եթե ճիշտ է, սա ևս մեկ վտանգավոր և սադրիչ գործողություն է, որը կարող է հանգեցնել նոր զոհերի: Ժամանակն է, որ ԱՄՆ-ն գիտակցի, որ մեր քաղաքականությունը խրախուսել է Ադրբեջանի նախագահ Իլհամ Ալիևին գնալ ռազմական սրման՝ հերթական պատերազմի վտանգ առաջացնելով», - ասվում է կոնգրեսականի գրառման մեջ։ Շիֆը նշել է, որ կապ է հաստատել Բայդենի վարչակազմի հետ և կոչ արել ավելի ակտիվ լինել ԵԱՀԿ ՄԽ միջոցով։ «Ըստ հաղորդագրությունների, Բաքուն ձեռնարկում է այս գործողությունները Պետդեպի որոշումից մի քանի օր անց, որով անհիմն կասեցվեց 907 ուղղման՝ Ադրբեջանին ռազմական աջակցության արգելքը։ Մենք չպետք է ռազմական ֆինանսավորում տրամադրենք Ադրբեջանին, որը սովորաբար խախտում է մարդու իրավունքները և ոտնահարում իր հարևանների ինքնիշխանությունը»,- ասվում է կոնգրեսականի գրառման մեջ։ Վարչապետի պաշտոնակատար Նիկոլ Փաշինյանի գլխավորությամբ մայիսի 12-ի ուշ երեկոյան տեղի է ունեցել Անվտանգության խորհրդի արտահերթ նիստ քննարկվել են Սյունիքի մարզի Սև լիճ> տեղանքում ստեղծված իրավիճակը և հետագա քայլերը: Փաշինյանը վիճակը նախաճգնաժամային է որակել, եթե ոչ ճգնաժամային, և ասել, որ ՀՀ-ն չի կարող դա հանդուրժել։ Ավելի վաղ պաշտպանության նախարարությունը, անդրադառնալով ադրբեջանցիների կողմից Սյունիքում պետական սահմանը խախտելու մասին շրջանառվող լուրերին, հաստատել է, որ ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։ Գորիսի ղեկավարի տեղակալ Իրինա Յոլյանն էլ հայտնել է, որ Իշխանասարի հատվածում թշնամին պետական սահմանը անցել է և ևս 3 կիլոմետր առաջ եկել դեպի Վերիշեն բնակավայր ու հարյուրներով շարված են։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
