  Լավրով․ ԼՂ կարգավիճակի հարցը պետք է համաձայնեցվի, բայց հիմա պետք չէ շեշտը դրա վրա դնել 9 հունիսի 2021 - 15:16 AMT PanARMENIAN.Net - Լեռնային Ղարաբաղի կարգավիճակի հարցը պետք է համաձայնեցվի ԵԱՀԿ Մինսկի խմբի համանախագահների (ՌԴ, ԱՄՆ, Ֆրանսիա) մասնակցությամբ, բայց հիմա շեշտը ոչ թե դրա վրա է հարկավոր դնել, այլ տարածաշրջանը խաղաղ կյանքի վերադարձնելուն։ Այդ մասին հայտարարել է ՌԴ ԱԳ նախարար Սերգեյ Լավրովը «Պրիմակովյան ընթերցումներ» համաժողոում։ «Ես հասկանում եմ, որ այժմ շատերն են ասում, որ չլուծված է մնացել Լեռնային Ղարաբաղի կարգավիճակի հարցը։ Դա դեռ պետք է վերջնականապես համաձայնեցվի ԵԱՀԿ Մինսկի խմբի համանախագահների մասնակցությամբ, որոնք այս փուլում, հավանաբար, պետք է ոչ թե խթանեն կարգավիճակի հարցը, այլ նպաստեն վստահության միջոցների ամրապնդմանը, հումանիտար հարցերի լուծմանը, նրան, որ հայերն ու ադրբեջանցիները կրկին ապրեն միասին անվտանգության և տնտեսական բարգավաճման մեջ։ Եվ այն ժամանակ, ես ձեզ վստահեցնում եմ, 2-3 տարուց, եթե մենք այդպիսի կյանք ապահովենք, կարգավիճակի բոլոր հարցերը շատ ավելի հեշտ կլուծվեն»,-ասել է նա, գրում է ՏԱՍՍ-ը։ Նա նշել է, որ հակամարտության կողմ հանդիսացող և հարևան երկրների մայրաքաղաքներից հնչող հայտարարությունները հաճախ պայմանավորված են էմոցիաներով։ «Կոչ ենք անում բոլոր ներգրավվածներին այնուամենայնիվ նպաստել հանդարտեցմանն ու նորմալ կյանքի հաստատմանը տեղում ապրողների համար»,-ասել է Լավրովը։ Լավրովը նաև հայտարարել է, որ Լեռնային Ղարաբաղում ռուս խաղաղապահների տեղակայման տարածքում մեծ միջադեպեր չկան, իսկ փոքրերն արագ հարթվում են։ Նա նշել է, որ լարվածություն կա հայ-ադրբեջանական սահմանին, բայց ԼՂ հետ դա կապ չունի։ Photo. Ria Novosti   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար  Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարիՖասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ինՄի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |
