  Պեսկով․ Պուտինն ու Փաշինյանը կքննարկեն ԼՂ-ն, որևէ փաստաթղթի ստորագրում չի նախատեսվում 7 հուլիսի 2021 - 14:07 AMT PanARMENIAN.Net - ՌԴ նախագահի մամուլի քարտուղար Դմիտրի Պեսկովը հայտարարել է, որ հուլիսի 7-ին Մոսկվայում կայանալիք հանդիպմանը Ռուսաստանի ղեկավար Վլադիմիր Պուտինն ու ՀՀ վարչապետի պաշտոնակատար Նիկոլ Փաշինյանը քննարկելու են իրավիճակը Լեռնային Ղարաբաղի շուրջ, սակայն որևէ փաստաթղթի ստորագրում չի նախատեսվում։ Արձագանքելով հայկական ԶԼՄ-ների հրապարակումների մասին հարցին, թե հանդիպմանը կարող է քննարկվել ՀՀ սահմանին ռուս խաղաղապահների տեղակայման հարցը և համապատասխան փաստաթուղթ ստորագրվել՝ Պեսկովն ասել է, որ դա չի համապատասխանում իրականությանը, տեղեկացնում է ՏԱՍՍ-ը։ «Այդ հաղորդագրությունը չի համապատասխանում իրականությանը։ Անշուշտ, և Ղարաբաղն է քննարկվելու, և ռուս զինծառայողները, որոնք հիմա այնտեղ տեղակայված են, և երկկողմ հարաբերություններն ընդհանուր առմամբ։ Սակայն փաստաթղթերի ստորագրում նախատեսված չէ»,-ասել է Պեսկովը։ Ավելի վաղ հայտնի դրձավ, որ Փաշինյանը հուլիսի 7-ին աշխատանքային այցով կմեկնի Մոսկվա, որտեղ կհանդիպի Պուտինի հետ: «Կողմերը քննարկելու են նաև 2020 թվականի նոյեմբերի 10-ի և 2021 թվականի հունվարի 11-ի եռակողմ հայտարարությունների կատարման ընթացքին, ռազմական գործողություններից տուժած Լեռնային Ղարաբաղի բնակչությանը հումանիտար աջակցություն ցուցաբերելուն, տարածաշրջանում տնտեսական և տրանսպորտային կապերի վերականգնմանը վերաբերող հարցեր»,-ասվում է վարչապետի պաշտոնակատարի մամուլի ծառայության հաղորդագրության մեջ։ Անդրադառնալով վարչապետի պաշտոնակատար Նիկոլ Փաշինյանի՝ Մոսկվա կատարվելիք այցին՝ ԱԽ քարտուղար Արմեն Գրիգորյանն ասել է, որ օրակարգում նոյեմբերի 10-ի և հունվարի 11-ի եռակողմ հայտարարություններն են, սահմանային իրավիճակը և հայ-ռուսական հարաբերություններիր զարգացումը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
