 Ստամբուլում 3 թուրք պարել է Սբ Թագավոր եկեղեցու պատին․ Ավելի ուշ ձերբակալվել են 12 հուլիսի 2021 - 14:16 AMT PanARMENIAN.Net - Ստամբուլում թուրքերը պղծել են հայկական եկեղեցին՝ 3 տղամարդ պարել է հայկական Սուրբ Թագավոր տաճարի պատին, որին խաչ է տեղադրված։ Խաչի ֆոնին պարող տղամարդկանց մասին տեսանյութը տարածվել է սոցցանցերում։ Պոլսո Հայոց պատիրարքարանը հայտարարություն է տարածել, որտեղ ասվում է, որ եկեղեցում հուլիսի 10-ի ուշ գիշերը տեղի ունեցած դեպքի մասին հայտնել են ոստիկանությանը։ «Զինովներ էին հավաքված եկեղեցու առջևի փոքր հրապարակում և նրանցից 3-ը եկեղեցու արտաքին պատի վրա մագլցելով, պարել են։ Գիշերապահը հորդորել է, որ իջնեն, սակայն, նրանք շարունակել են մնալ պատի վրա։ Գիշերապահը ոստիկանություն է հայտնել։ Երբ ոստիկանությունը դեպքի վայր է հասել, բոլորն արդեն հեռացել էին»,-ասվում է հայտարարության մեջ։ Նշվում է նաև, որ Պատրիարք Հայրը, լսելով դեպքի մասին հավաստիացրել է, որ Պատրիարքական Աթոռը որպես հոգևոր կենտրոն, կապ հաստատելով պատկան մարմինների հետ, հետամուտ է լինելու դեպքին։ Ավելի ուշ հայտնի է դարձել, որ Ստամբուլի ոստիկանությունը ձերբակալել է եկեղեցու պատին պարած տղամարդկանց, գրում է ՌԻԱ Նովոստին։ Նշվում է, որ միջադեպի ժամանակ տղամարդիկ եղել են ալկոհոլի ազդեցության տակ։ Սկսվել է հետաքննություն։ Ստամբուլի քաղաքապետարանը, ինչպես նաև իշխող Արդարության և զարգացման կուսակցության մամուլի քարտուղար Օմեր Չելիքը, դատապարտել են անարգանքի այդ ակտը։ «Մենք դատապարտում ենք Սբ Թագավոր եկեղեցու հանդեպ անարգանքի այդ ակտը»,-գրել է Չելիքը Twitter-ի իր միկրոբլոգում։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
