  Մոսկվան Երևանին և Բաքվին է փոխանցել սահմանազատման և սահմանագծման իր առաջարկները 17 սեպտեմբերի 2021 - 15:03 AMT PanARMENIAN.Net - Մոսկվան Երևանին և Բաքվին է փոխանցել հայ-ադրբեջանական սահմանի սահմանազատման և սահմանագծման վերաբերյալ իր առաջարկները և արագ պատասխան է ակնկալում։ Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Մենք ուշադիր հետևում ենք իրավիճակին ՀՀ և Ադրբեջանի միջև սահմանի առանձին հատվածներում։ Իրավիճակի զարգացումը, այդ թվում Որոտան գյուղի մոտ, հերթական անգամ հաստատում է հայ-ադրբեջանական սահմանի սահմանազատման և սահմանագծման գործընթացի արագ մեկնարկի պահանջվածությունը։ Այդ հարցի վերաբերյալ ռուսական առաջարկները փոխանցվել են Բաքվին և Երևանին՝ արագ պատասխան ենք ակնկալում հետագա ուղղության ձևավորման համար»,-ասել է նա, գրում է ՏԱՍՍ-ը։ Զախարովան հավելել է, որ ռուսական կողմը շարունակում է ՀՀ և Ադրբեջանի հետ համատեղ ջանքերն, ուղղված տարածաշրջանում տնտեսական և տրանսպորտային կապերի ապաշրջափակմանը՝ 2020-ի նոյեմբերի և 2021-ի հունվարի եռակողմ հայտարարությունների իրականացման շրջանակում։ Սեպտեմբերի 9-ին Սյունիքի մարզի Որոտան գյուղի հատվածում ադրբեջանցիները ոստիկանական հենակետ են բացել։ Սեպտեմբերի 11-ից նրանք կանգնեցնում են իրանական բեռնատարները և ստուգում վարորդների փաստաթղթերը։ Ադրբեջանցիները նաև «ճանապարհային հարկ» են պահանջում իրանցի վարորդներից։ Բաքուն պաշտոնապես է հաստատել այդ տեղեկությունը։ Photo. TASS   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
