  Զախարովա․ ՌԴ ՊՆ-ն միջոցներ է ձեռնարկում՝ նվազեցնելու ԼՂ շուրջ լարվածությունը 30 մարտի 2022 - 13:44 AMT PanARMENIAN.Net - Ռուսաստանի պաշտպանության նախարարությունը և Արցախում տեղակայված ռուս խաղաղապահ զորախմբի հրամանատարությունը ակտիվ գործողություններ են ձեռնարկում Լեռնային Ղարաբաղի շուրջ լարվածության նվազեցման ուղղությամբ։ Այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ նշելով, որ խաղաղապահները գործում են՝ խստիվ հետևելով 2020-ի նոյեմբերի 9-ի եռակողմ հայտարարության դրույթներին։ Հարց է հնչել, թե իրականում ինչ է կատարվում խաղաղապահ զորակազմի պատասխանատվության գոտում և կարող է արդյոք դա սադրանք լինել Ադրբեջանի կողմից, գուցե Թուրքիայի հրահրմամբ՝ «պղտոր ջրում ձուկ որսալու» նպատակով, քանի դեռ ՌԴ-ն զբաղված է Ուկրաինայով։ Զախարովան պատասխանել է, որ խաղաղապահ զորակազմի պատասխանատվության գոտում վերջին միջադեպերի վերաբերյալ ՌԴ դիրքորոշումն արտահայտված է ՌԴ ԱԳՆ մարտի 26-ի հայտարարության մեջ: «Մոսկվան կոչ է արել կողմերին ապահովել Լեռնային Ղարաբաղի հակամարտության գոտում կրակի լիակատար դադարեցումը և ապահովել 2020 թ. նոյեմբերի 9-ին պայմանավորվածությունների անվերապահ կատարումը։ ՌԴ պաշտպանության նախարարությունը և ռուսական խաղաղապահ առաքելության ղեկավարությունը ակտիվ գործողություններ են ձեռնարկում իրավիճակի դեէսկալացիայի ուղղությամբ։ Ընդ որում խաղաղապահները գործում են՝ խստիվ հետևելով 2020-ի նոյեմբերի 9-ի եռակողմ հայտարարության դրույթներին»,-ասել է նա։ Զախարովան հավելել է, որ ՌԴ-ն մշտական կապի մեջ է ՀՀ և Ադրբեջանի ներկայացուցիչների հետ ԱԳՆ գծով, իսկ տեղերում օպերատիվ իրադրության մասին տեղեկատվությունն ամենօրյա ռեժիմով հրապարակվում է ՌԴ ՊՆ պաշտոնական տեղեկագրում: Մարտի 24-ին Ադրբեջանի ԶՈւ ստորաբաժանումները, կոպտորեն խախտելով 2020թ. նոյեմբերի 9-ի եռակողմ հայտարարության պահանջները, ներխուժել են Արցախի ՌԴ խաղաղապահ զորակազմի պատասխանատվության գոտի` վերահսկողության տակ վերցնելով Ասկերանի շրջանի Փառուխ գյուղն ու հարակից դիրքերը, ապա փորձել առաջ շարժվել Քարագլուխ բարձունքի ուղղությամբ: Ռուս խաղաղապահների մասնակցությամբ բանակցությունները էական արդյունք չեն տվել: Ադրբեջանական զինուժը մարտի 25-ի գիշերը կրակ է բացել ՊԲ ստորաբաժանումների ուղղությամբ, Bayraktar TB-2 կիրառել: Հայկական կողմից զոհվել է ՊԲ 3 պայմանագրային զինծառայող, 15-ը՝ վիրավորվել։ Մարտի 26-ին Ադրբեջանի ԶՈւ-ն կրկին դիմել է ագրեսիվ գործողությունների` փորձելով առաջխաղացում ապահովել: ՊԲ-ն դիմել է համարժեք գործողությունների: Մարտի 26-ին ՌԴ ՊՆ-ն հայտարարել էր, որ Ադրբեջանի զորքերը մտել են Լեռնային Ղարաբաղի տարածքում ՌԴ խաղաղապահների պատասխանատվության գոտի։ Մարտի 27-ի երեկոյան ՌԴ ՊՆ-ն հայտարարեց, որ Ադրբեջանը հետ է քաշել զորքերը Փառուխ գյուղի տարածքից։ Ադրբեջանի ՊՆ-ն հերքել է այդ տեղեկությունը։ Արցախի տեղեկատվական շտաբը հայտնել է, որ Ադրբեջանի ԶՈւ-ն շարունակում է մնալ Քարագլխի մի հատվածում ամրացված դիրքերում, Ասկերանի շրջանի Փառուխ գյուղն այժմ գտնվում է Արցախում տեղակայված ռուս խաղաղապահ զորակազմի վերահսկողության գոտում։ Photo. TASS   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
