Յուրի Պատրիկեեւը հունահռոմեական ոճի ըմբշամարտի Հայաստանի հավաքականին բերել է երկու ոսկե մեդալ

PanARMENIAN.Net - Ավարտվել է Հունահռոմեական եւ ազատ ոճի ըմբշամարտի առաջնությունը, որը տեղի է ունեցել Լիտվայի մայրաքաղաք Վիլնյուսում մարտի 31-ից ապրիլի 5-ը: Հունահռոմեական ոճի ըմբշամարտի Հայաստանի հավաքականը հաջող է ելույթ ունեցել` արժանանալով երկու ոսկե մեդալի: Պատվավոր կոչումների արժանացել են Արսեն Ջուլֆալաքյանը (ք/կ 74 կգ) եւ Յուրի Պատրիկեեւը (ք/կ 74 կգ,), որը ոսկե մեդալ էր նվաճել մրցումների վերջին օրը:



Յուրի Պատրիկեեւը երկու հաղթանակ է տարել 1/16 եւ 1/8 կիսաեզրափակիչներում, համապատասխանաբար գերմանացի Նիկո Շմիդտի եւ լիտվացի Մինդաուգաս Միցգաիտիսի հանդեպ: Քառորդ եզրափակիչում Պատրիկեեւը հաղթել է սերբ ըմբշամարտիկ Ռադոմիր Պետկովիչին, իսկ կիսաեզրափակիչ մենամարտում հաղթանակ է տարել Հունաստանի ներկայացուցիչ Պանագիոտիս Պապադոպուլոսի հանդեպ: Եզրափակիչում հայ ծանր քաշային մարզիկը հաղթել է շվեդ Յալմար Սյոյեբերգին, այդպիսով Հայաստանի հավաքականի համար նվաճելով երկրորդ ոսկե մեդալը:



Յուրի Պատրիկեեւը, ինչպես նաեւ Արսեն Ջուլֆաքյանը, իր բոլոր մենամարտերն ավարտել է առանց միավորներ կորցնելու:



Հունահռոմեական ոճի ըմբշամարտի Հայաստանի հավաքականը Եվրոպայի առաջնության թիմային ստուգարքում երրորդ տեղն է զբաղեցրել` զիջելով միայն Ռուսաստանին ու Լեհաստանին:



Արդյունքում, Հունահռոմեական եւ ազատ ոճի ըմբշամարտի Հայաստանի հավաքականները Եվրոպայի առաջնությունում, համատեղ ջանքերով նվաճել են 2 ոսկե, 2 բրոնզե եւ 1 արծաթե մեդալ: