Ucom. Նոր հավելված, նոր հնարավորություններ15 մարտի 2023 - 17:26 AMT PanARMENIAN.Net - Ucom ընկերության շարժական կապի ինչպես անհատ, այնպես էլ կորպորատիվ փաթեթների նոր և առկա բաժանորդները կարող են օգտվել Ucom բջջային հավելվածի թարմացված տարբերակից՝ ներբեռնելով այն App Store-ից կամ Google Play-ից: Հավելվածը թույլ է տալիս անմիջապես սմարթֆոնից հեշտ ու արագ կառավարել ոչ թե մեկ, այլ մի քանի Ucom հաշիվ, տեսնել գործող փաթեթները և դրանց ներառումները, կառավարել ակտիվացված փաթեթները կամ անցում կատարել ընդլայնված հնարավորություններով այլ փաթեթների, կցել բանկային քարտեր ու արագ լիցքավորել անհրաժեշտ օգտահաշիվը, ինչպես նաև կարգավորել կցված, օգտահաշվի ավտոմատ լիցքավորումը։ Հավելվածի թարմացված տարբերակն առանձնանում է տարբերվող ու ճիշտ դասավորվածություն ունեցող դիզայնով, ունի «Լույս» և «Մութ» ռեժիմներ։ Իրենց ժամանակը խիստ գնահատող բաժանորդները կարող են ինքնուրույն վերլուծել ծախսերը, նույնիսկ տեսնել ելքային հեռախոսազանգերը մինչև 2 ամիս ժամանակահատվածում, պարզաբանում պահանջող դեպքերում էլ՝ ուսումնասիրել հաճախ տրվող հարցերի շարքը կամ առցանց զրուցել Ucom մասնագետի հետ: Եթե այնուամենայնիվ անհրաժեշտություն է առաջացել անձամբ այցելել Ucom վաճառքի և սպասարկման մոտակա կենտրոններից մեկը, ապա հավելվածը հնարավորություն է ընձեռում հեռահար հերթագրվել նախընտրելի սպասարկման կենտրոնում։ «Թարմացված Ucom հավելվածով կարելի է վճարել նաև Ucom ֆիքսված ծառայությունների համար՝ մուտքագրելով պայմանագրի համարը, իսկ Unity սակագնային փաթեթների դեպքում՝ հիմնական հեռախոսահամարը։ Մնում է միայն ներբեռնել այն և լիարժեքորեն կառավարել Ձեր և Ձեր մտերիմների Ucom հաշիվները՝ խնայելով ժամանակը և չմտածելով տնից դուրս գալու կամ հերթ կանգնելու մասին», - նշել է «Յուքոմ» ընկերության գլխավոր տնօրեն Ռալֆ Յիրիկյանը։ Նոր հավելվածը կգոհացնի նաև ռոումինգում գտնվող շարժական կապի բաժանորդներին, որոնք կարող են համեմատել գործընկեր օպերատորների սակագները կոնկրետ երկրում և ընտրել առավել մատչելի տարբերակը։ Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |