Տիկնիզյան․ Եթե կարողանանք հաղթել, վստահ եմ` Հայաստանում մեծ տոն կլինի24 մարտի 2023 - 18:16 AMT PanARMENIAN.Net - Հայաստանի ազգային հավաքականի նորեկ Նաիր Տիկնիզյանը, անդրադառնալով մարտի 25-ին Երևանում կկայանալիք ՈՒԵՖԱ Եվրո-2024-ի որակավորման խմբային փուլի Հայաստան-Թուրքիա հանդիպմանը, ասել է, որ նորամուտի համար ավելի լավ խաղ դժվար էր պատկերացնել։ «Գիտակցում եմ, որ շատ սկզբունքային մրցակցի դեմ ենք խաղալու։ Եթե կարողանանք հաղթել, վստահ եմ, որ Երևանում և ամբողջ Հայաստանում մեծ տոն կլինի»,- ասել է նա ՀՖՖ TV-ին հարցազրույցում։ Անդրադառնալով Հայաստանի հավաքականում խաղալու որոշմանը՝ Տիկնիզյանն ասել է, որ այդ որոշումը դժվար չի տրվել։ «Մի օր արթնացա ու հասկացա, որ գործելու ժամանակն է․․․ Հասկանում էի, որ եթե Հայաստանի հավաքականում խաղալու որոշում կայացնեի, Հայաստանում շատ մարդիկ երջանիկ կլինեին։ Ես զգում էի դա այն աջակցությունից, որ ստանում էի դեռ Ռուսաստանի երիտասարդական հավաքականում խաղալիս»,-ասել է Տիկնիզյանը՝ հավելելով, որ հունվարին է վերջնականապես գիտակցել է, որ ժամանակն է իր կարիերան կապել Հայաստանի հավաքականի հետ։ Ֆուտբոլիստը նշել է, որ իրեն շատ ջերմ են ընդունել Հայաստանում։ Մարտի 25-ին Երևանում տեղի կունենա ՈւԵՖԱ Եվրոպայի 2024 թվականի առաջնության որակավորման փուլի՝ Հայաստան-Թուրքիա հանդիպումը։ ՈՒԵՖԱ-ի հատուկ որոշմամբ՝ թուրք երկրպագուներ հանդիպմանը ներկա չեն լինելու: ՈւԵՖԱ-ի հատուկ որոշմամբ մարտի 25-ին Երևանում կայանալիք Հայաստան-Թուրքիա հանդիպմանը թուրք երկրպագուներ չեն լինի։ Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |