 Բայրամով․ Ադրբեջանը «Զանգեզուրի միջանցքի» ստեղծման պլան Բ ունի՝ առանց ՀՀ–ի 7 սեպտեմբերի 2023 - 15:17 AMT PanARMENIAN.Net - Ադրբեջանի ԱԳ նախարար Ջեյհուն Բայրամովը հայտարարել է, որ Բաքուն «Զանգեզուրի միջանցքի» ստեղծման պլան Բ ունի՝ առանց Հայաստանի մասնակցության, եթե «Երևանը շարունակի ապակառուցողական վարքագիծը»։ Նա հավելել է, թե դրանով Երևանն իր տնտեսությունը շտկելու «ևս մեկ հնարավորություն բաց կթողնի», գրում է ՏԱՍՍ–ը։ «Ինչ–որ պահի այնպիսի զգացողություն է առաջանում, թե մենք մոտ ենք աշխատանքի ավարտին («Զանգեզուրի միջանցքը» բացելու), բայց վերջին պահին Հայաստանը հանկարծ ինչ–որ նոր բան է առաջ քաշում և կրկին գործընթացը փակուղի տանում։ Դա կառուցողական չէ, ու նաև նոյեմբերի 9–ի եռակողմ հայտարարության խախտում է, որով ՀՀ–ն պարտավորվել է երաշխավորել բեռների, քաղաքացիների և տրանսպորտային միջոցների անարգել տեղաշարժը»,– ասել է Բայրամովը Հունգարիա այցի ժամանակ Magyar Demokrata–ին տված հարցազրույցում։ Ըստ նախարարի, այս պայմաններում Երևանը կարող է ևս մեկ շահավետ հնարավորություն բաց թողնել, քանի որ «ճանապարհն ուղղակի կարող է շրջանցել Հայաստանը»։ «Ադրբեջանը կշարունակի աշխատանքն այդ ուղղությամբ՝ ունենալով պլան Բ, որի դեպքում նախագիծը կիրականացվի առանց Հայաստանի մասնակցության և այդ դեպքում նա ուղղակի դուրս կմնա շահառուների թվից»,–ասել է Բայրամովը։ Ավելի վաղ ՀՀ վարչապետ Նիկոլ Փաշինյանը չէր բացառել, որ Ադրբեջանը Լաչինի միջանցքը փակել է՝ «Զանգեզուրի միջանցքի» իր ակնկալիքները բավարարելու նկրտումով։ Հունիսի 13-ին Ադրբեջանի նախագահ Իլհամ Ալիևը Բաքվում Թուրքիայի նախագահ Ռեջեփ Թայիփ Էրդողանի հետ բանակցություններից հետո հայտարարել էր, որ այսպես կոչված «Զանգեզուրի միջանցքի» բացումն անխուսափելի է։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
