Մանուկյան. Նախկին 3 նախագահից ոչ ոք ՀՀ ղեկավար չպետք է լինի 22 սեպտեմբերի 2023 - 16:52 AMT PanARMENIAN.Net - ՀՀ նախկին վարչապետ, Ազգային կոմիտեի անդամ Վազգեն Մանուկյանը կարծիք է հայտնել, որ նախկին 3 նախագահից ոչ ոք Հայաստանի ղեկավար չպետք է լինի: «Կարծում եմ՝ նախկին երեք նախագահներից ոչ ոք Հայաստանի ղեկավար չպետք է լինի, որովհետև սխալ է հետ գնալը։ Գտնում եմ՝ ամեն մեկն իր դրականն էլ է արել, բացասականն էլ։ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի ժամանակ տեղի են ունեցել և զարգացում, և կոպիտ սխալներ, անարդարության էլեմետներ։ Մենք ուզում ենք առաջ գնալ։ Առաջ գնալու համար նախկին ղեկավարներին բերելը ճիշտ չէ»,–ասել է նա, հայտնում է Panorama.am–ը։ Մանուկյանը նշել է, որ սեպտեմբերի 21–ին ձևավորված Ազգային կոմիտեի կազմը պետք է ընդլայնվի։ Նա ասել է, որ պետք է տարբեր կառույցների ներկայացուցիչներ լինեն՝ հարգված մարդիկ, եկեղեցու ներկայացուցիչներ, մեծ կառույցների ներկայացուցիչներ, որպեսզի կարողանան ժողովրդին բացատրել, թե իշխանափոխությունից հետո ինչ է սպասվում։ Այն հարցին, թե քննարկվո՞ւմ է արդյոք իշխանափոխության հասնելու դեպքում իր թեկնածությունը վարչապետի պաշտոնում, Մանուկյանն ասել է. «Այդպիսի հավակնություն չունեմ»։ Սեպտեմբերի 19–ից մայրաքաղաքում մեկնարկել են հանրահավաքները, երթերը և քաղաքացիական անհնազանդության գործողությունները՝ պայմանավորված ադրբեջանական ագրեսիայի հետևանքով Արցախում ստեղծված ծանր վիճակով։ Ցուցարարները պահանջում են վարչապետի հրաժարականը: Սեպտեմբերի 22–ին ցույցերին են միացել երևանյան բուհերի ուսանողները։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
